السلام عليكم ورحمة الله وبركاته


انا اعاني من هذي الحاله من 5 سنوات تقريبا
عمري الان 21
انا تحت العلاج الدوائي باشراف طبي

لا احد يعرف عن حالتي سوى الدكتور اللي اراجع عنده



قبل ما اسالكم واخذ اقتراحكم ابغى اشرحلكم حالتي


انا اعاني من قلق في اي مكان اروح له وهو
انه
وش اسوي اذا احتجت الى دورة المياه ولا قدرت اروح لها ؟؟

هذا القلق مسببلي مشااااكل كثيره
يعني وين ما اروح
دايم هذا السؤال في راسي
لدرجة اني قبل ما اطلع
من القلق اني يمكن ما القى دورة مياه
تبدأ الألام في بطني وادخل دورة المياه يمكن مرتين وثلاث واربع وغالبا بدون اخراج شي (وانتم بكرامه
لكن اول ما اطلع واركب السياره واكون في موقف ما اقدر اروح فيه لدورة المياه تبدا الالام الشديده
ومن هنا تجيني نوبة الهلع
وابدا احس بتعرق شديد خمووول لدرجة ممكن اطيح لو انا واقف انسداد بالاذن رؤيه غير واضحه انفصال عن الواقع غثيان
وتروح هذا الحاله بمجرد دخولي دورة المياه وقضاء الحاجة
ويمكن ترجع بعد نص ساعه
طبعا القلق يزداد كل ما زادت صعوبه الذهاب لدورة المياه
يعني في الطيارة ما تجيني بس بالسيارة تجيني
اذا كنت بالسيارة لحالي قليل تجيني بس اذا صار معي احد تجيني
وعلى حسب مع من اكون اذا كنت استحي منه فتجيني الحاله اما اذا كان قريب مني فيكون الامر اسهل
يعني باختصار الحاله معقدة


الان وصلت لمرحله ما اتحمل وودي اعلم ابوي عن حالتي واشرحه مشكلتي
لكني متخوف من تبعاته
علما اني ابوي متعلم ومثقف وراح يتفهم الوضع
لكن اخاف انها تاثر باشياء انا ما ادركها الان؟
علما اني احس اني راح ارتاح قليل اذا علمته

فايش رايكم اتكلم مع ابوي عن حالتي والا لا ؟؟؟؟

انا جدااااا متردد

المصدر: نفساني