سجينة افكاري

بيانات اضافيه [ + ]

رقم العضوية : 31442  تاريخ التسجيل :  08 2010  أخر زيارة : 31-03-2011 (07:51 AM)  المشاركات : 276 [ + ]  التقييم :  10

لوني المفضل : Cadetblue

مشكلتي مالها حل حتى بالدوا !!

السلام عليكم ورحمة الله وبركاته

ترددت كثيرا قبل ما اكتب مشكلتي بس اتمنى اني افضفض لان هالشي تعبني كثير والله
انا مثل ما انتوا عارفين مريضه بالهلع والحمدلله على كل حال
والهلع جاني من عدة امور
بخمس سنوات وانا اعاني نفسيا
عانيت فيها من عدة امور
جتني فتره كنت اوسوس بالموت
وفتره اخاف من يوم القيامه
وفتره اخاف من القبر
والم قلبي اللي نكد عليه وزاد الطين بله
وجاني من هاذا كله اكتئاب شديد وقلق
وبالاخير جتني نوبات الهلع كنتيجه لكل ما سبق
المصيبه مش بهاذا كله
المصيبه يا اخواني وخواتي ان انا عندي وسواس الدين بشكل مش طبيعي
انا كنت قبل خمس سنوات انسانه ملتزمه اصلي الفروض والنوافل واصوم الاثنين والخميس وشعبان كامل اصومه واختم القران دايما وحافظه كل الاذكار تقريبا
استغفر طول الوقت واسبح واذكر الله
واعشق الدين عشق
بعد ما جتني الحاله النفسيه
وبعد ما جتني االمور اللي ذكرتها فوق من الخوف من يوم القيامه والقبر والموت والنار كرهت الدين
والله يا اخوان اقولها وفيني حرقه كرهت كل شي بالدين والاديان بشكل عام
وكنت افكر اني اتوجه للالحاد
كنت ادخل منتديات الملاحده ويعجبني كلامهم وكنت احس انهم واقعيين
فداخلي شي يقولي لا انا احب الله
بس على طول يجيني شعور يقولي خلاص تعبت لين متى بجلس اخاف انا كنت اقرا كثير فكتب الدين وعن الجنه والنار
ما بقولكم شو الافكار اللي تجيني لاني ما ابغي حد يتاثر فيني
بس والله انها منطقيه
انا من النوع اللي افكر كثير الدكتور بنفسه قالي انتي ذكيه جدا بس ذكائج جاء سلبي عليج
لو استغل بشي زين كان ابدعتي
بس تعرفون مجتمعنا كيف !!
ويمكن هالشي بعد اللي خلاني اكره الدين ان مجتمعنا ظلم المراه كثير
ماعرف انا شو ابغي والله
حتى مع العلاج النفسي تعافيت من كل الامراض النفسيه من هلع وبوليميا واكتشاء ووسواس الا من وسواس الدين
ساعات يبين عليه لما اتناقش مع حد
انا الحمدلله مازلت اصلي واصوم واستغفر وما سويت اي شي من الكبائر ولا بعمري خنت اهلي ولا زوجي واحب الله كثييييييييييرا كثير
بس هالافكار تجيني غصب عني والله غصب

في نقطه حبيت اقولكم عنها يمكن تفهموني فيها
انا احب اني اسمو بروحي
يعني احب اني اكون وفيه لزوجي مش عشان انا خايفه من عقاب الله لا
عشان انا وفيه وانا انسانه احب واعشق لازم اكون وفيه للي احب
ومثلا انا اطيع امي وابوي مش عشان انا خايفه من العقاب لا
عشان امي وابوي تعبوا عليه ولازم اجازيهم باحسان
يعني اميل للانسانيه مثل ما يقولون
بغض النظر عن وجهة نظر الدين فالموضوع
معرف ليش كتبت هالموضوع بس احس اني تعبت والله

المصدر: نفساني