المشاركة الأصلية كتبت بواسطة رونالدو

إن كنت تسأل يا رفيقي وش الرأي...تبغـى السعـادة خـذ كـلام يقيـن


تتبـع القصـة و تفهـم لمعـنـاي......إن كـان لـك قلـب لبيـب فطيـن


أول و أنا ضايق من أسباب بلـواي.....على همـوم الوقـت ربـي يعيـن


قد كنت ضايع ما عرف وين ممشاي.....تايه ما عـرف شمالهـا و اليميـن


تعبـت أدور للسـعـادة بدنـيـاي.....و أثر السعادة سـر يـا الغانميـن


دورتها بالمال مـا صـاب مرمـاي....لـو زاد مالـي دوم قلبـي حزيـن


وأيضاً السفر ما فاد لو تكثر خطاي....نفسي و لو سافـرت لازم تشينـي


أضحك مع الأصحاب و أخفي ابكاي....حزين دايم دمعتـي وسـط عينـي


و اليوم من فضل الولي طاب مسعاي....زانت و كنـت أظنهـا مـا تزيـن


لقيتهـا بالديـن و افهـم لمغـزاي....وأيضاً السعادة في رضـا الوالديـن


و أنا على رب المخاليـق شكـواي....عسـاه يجعلنـي مـن الفايـزيـن


يالله أنا طالبـك حقـق لـي منـاي.......و اجعل لنـا بالديـن حـرز مكيـن