بسم الله الرحمن الرحيم

بخاف من الحياه وبخاف من الممات
بخاف من اللى جاى وبرضوا من اللى فات
بخاف مره اخطي فطريق
وبخاف وسط المسافه اخاف من الطريق
بخاف امشي صح وبخاف امشي غلط
الفرق بينهم ف الزمان دا اختلط
بخاف من الضلمه وبخاف من النور
بخاف ف الضلمه اضل الطريق
و بخاف ف النور اشوف الحقيقه
الحقايق صعبة الحقايق مريره
بخاف اصحي و بخاف انام
بخاف لو اسهر تفوتني الاحلام
بخاف لو انام كثير يفوت الاوان
بخاف من كل حاجه و بخاف من اى حاجه
بخاف من القريب و بخاف من البعيد
بخاف من العدو وبخاف من الصديق
بخاف من الحقيقه اكثرمن الخداع
بخاف من الضمير اللى بيتباع
بخاف من اللى يوعد و يخلف وعيده
بخاف من اللى ف شدتي ميمدلي ايده
وبخاف من كذاب يلعب بالمشاعر
وبخاف انه ناسي ان الدنيا بتدور
ولبيته في يوم من الأيام أكيد بتزور
بخاف من الذنوب اللى مبتتغفر
و بخاف من صلواتى اللى مبتتقبل
بخاف من كل حاجه و بخاف من اى حاجه
وبخاف من السؤال عند القبر اه يارب أين المفر

منقول