نفساني - عرض مشاركة واحدة

06-02-2011, 01:26 AM

يعطيك العافيه اخي العزيز ودكتوري الفاضل >> اعذرني تعبتك معاي

تعرف انك انت والطبيب الي اراجعه فاجأتوتني بامور كثيرة في زوجي كانت غايبه عني

وكلامك هذا فيه شي ريحني كثيييييييييير واعاد الثقه لنفسي بعض الشيء

وعجبني لاني ابغي شخص ينبهني على اغلاطي حتى لو يقسى علي ويكون بصف زوجي ما عندي مانع
بس اطلع من الحاله الي انا فيها .. وارجع اتقبله بكل مافيه

الي اعرفه ان زوجي يخااااف علينا انا والاولاد كثييير علشان كذا هو خانقنا ومقيدنا ما يثق بقدراتنا او يعطينا مجال نتصرف

دايم اقول لاولادي ابوكم مثل القطه الي من كثر خوفها على اولادها أكلتهم !!

الدكتور الي اراجع عندها قالي (( ده زوجك غلابان )) هو الي يحتاج طبيب

اكتشفت منه ان زوجي يخاف الاماكن المغلقه !!!
وقالي ان مو كل زئير للاسد تعني شجاعه وقوة !! يمكن تكون خوووف!!

والحين فاجأتني انت انه يحتاج للعطف ونبهتني لامر مهم جدا وصحيح
انه دايم ينشد الاهتمام والعطف مني

لكن قسوته تبعدني عنه ... لاني صرت اخافه واخاف حتى الكلام معاه>>>> وهذا يتعبني لاني اشوف اني مقصره لكن غصب عني والله

المهم عندي استشاره

زوجي ما ادري ليه مصمم يروح عند الطبيب ويسأله عني
يقول انتي ما تتكلمين عن شي وانا ابي اعرف الى تى هذي الحاله تدوم

وقاعده اقنعه انه يصبر اشوي

ولا ادري اخليه يروح للطبيب او لا
ما ادري ليه خايفه .. يمكن لانه مزاجي ولا ادري كيف بتكون ردة فعله بعد فتره

او هذه الزياره بتفيدني وفي مصلحتي ؟؟

[COLOR="RoyalBlue"]بالنسبة للتاريخ طبعا هذا مو طموحي ابدا لكن هذا الموجود للانتساب

لو برغبتي كان ودي فلسلفه احبها كثير لكن ما عندنا

علم نفس لازم انتظام

اعلام وصحافه ماكان موجود في الجامعه توهم فاتحينه السنه ولازم انتظام

انا تزوجة بعد ثاني ثانوي وانقطعت عن الدراسه بسبب ظروفي العوجه :)

وبقت الدراسه هاجسي الوحيد لما تتوفر الظروف

لما جاني الاكتئاب في بدايته شفق علي زوجي واجد ونصحني الدكتور استغل الفرصه بطلب الي ابيه في ذاك الوقت

وكملت ثالث ثانوي بعد 17 سنه انقطاع والحمد لله ربي تتم علي ودخلت جامعه وعلشان ما اضايق زوجي ويقبل

اخترت الانتساب واول سنه جبت علامات عاليه واتصلوا علي الكليه يهنأوني ويخبروني انهم حولوني انتظام

لكني استشرت زوجي وحاولت اقنعه ورفض وعصب

وبقيت انتساب والحمد لله على كل حال
وربي يسمع منك واكمل ماجستير ودكتوره .. عندي طموح اذا ربي مد في عمري وكمل علي نعمه[/COLOR]