|
الرهاب الاجتماعي يتعدى حدودة معي
اه اه اه ثم اه اه
عرس بنت عمي الان على واحد من الجماعة الجميع الان في القاعة اهلي- اخواني اولاد عمي- اولاد خالي -اولاد خالتي- اولاد اختي -والدي -عمامي- خوالي- جماعتنا
وانا تعذرت كاذباً وقلت فيني الم بالضرس وانا اكذب قالوا اهلي استح على وجهك هذا عرس بنت عمك؛ سويت نفسي امثل قدامهم اني اتلم من الم بالضرس
وصلت خواتي بالسيارة ونزلتهم بالقاعة واولاد عمي واقفين عند باب قسم الرجال ينظرون لي علشان اوقف السيارة وادخل عندهم ولكن مشيت بسرعة علشان مااحد يناديني وقفلت الجوال اهااااااانة مابعدها اهااااااانة والمصيبة ماني صغير عمري 30 سنة
الكل الان فرحان ومستانس وانا على النت بالبيت كاني خدامة وقاعد اتسمع على صوت الباب اذا فتح احد الباب سويت نفسي تعبان
وشو عذري لعمامي واولاد عمي اقسم بالله قمة القهر الناس تتعشا مفاطيح
وانا على جبنة وفول
حسبي الله ونعم الوكيل والله يالرهاب الاجتماعي لوانك رجل لقتلتك بالزيت المحروووق
اسف جدا ياخواني حبيت افضفض على اللي بالداخلي مافي غيركم افضفض له واشتكي لة بعد الله.
|