حياتي بتضيع

بيانات اضافيه [ + ]

رقم العضوية : 30920  تاريخ التسجيل :  06 2010  أخر زيارة : 25-08-2012 (02:45 AM)  المشاركات : 87 [ + ]  التقييم :  10

لوني المفضل : Cadetblue

ااصدقائي الأعزاء و اخواني و اخوااتي الأحباء...انا حليت امري بنفسي...و لا فلوس..و لا واسطه...و لا حتي معقب.

انا طفح بيا الكيل و فوضت امري لله عز و جل و الحل جاه من عنده.

للفصل عند الاخوه و الأخوات....اولا انا العريس و الطرف الأجنبي ...و بعدين خطيبتي هيا اللي كانت تتواصل معاكم هنا لفتره بس لما كنت انا اللي بكتب كنت بحدد.

ثانيا...انا من مواليد المملكه...و كره ابوي ...و اختي... عمتي ...و اخوي من مره ابوي ...و اختي من مره ابوي كلهك سعودين.

انا مهندس...و اعمل بشكه كبيره و ضخمه بل دمام و الشيخ صاحب الشركه مره محبوب في الدمام هنا و مدير مكتب الأميره بقربله...انا عروستي من طرف مره ابوي...و طبعا انا ما ابغي منها و لا هي تبغي من اي شي الا الحب و التقدير و لا اري سواها في عيني و حاربت كل هذه الفتره لأجلها و ليس لاي سبب اخر و بل تأكيد لالدها المحترم اللي يعتبر في مرتبه ابوي الله يرحمه...المهم اني رحت للشيخ تبعنا صاحب الشركه...و هو وجهني لمدير مكتب الأمير....و اظن مافي واسطه اكبر من كده..لاكن تخيلوا.....ما مشيت ...او انه اخذ الأوراق و ما رضي يساعد الله اعلم...

المهم انا ايش سويت يا اخواني و اخواتي ؟؟؟؟

توكلت علي الله...و رحت كاتب خطاب لسمو الأمير محمد بن فهد بن عبد العزيز ال سعود حفظه الله و راعاه...و رحتله المجلس يوم الأحد اللي فات من اسبوعين ...و سلمته الخطاب و الأوراق...و تري مره امير الشرقيه مره محترم لدرجه انه كان في يمكن اكتر من 20 شخص في المجلس و هو قابلنا كلنا بكل احترام و موده و من قوه احترامه ما جلس علي كرسيه و استقبلنا و هو واقف.

المهم الأمير قالي انا بقرأ خطابك و هما بيعلموك ايش بيصير..ولو عندك اي طلب تاني قولي هو...المهم شكرته و مشيت تحت في القاعه و زهموا عليا و ادوني ورقه فيها رقم معامله و قالولي تعال يوم الأحد اللي يجي.

رحتلهم بعد اسبوع في الموعد المحدد و حولوني علي الأحوال الشخصيه و بعدين اول ما سألني الرجال ..انت فلان الفلاني قلتله ايوه...قالي الف مبروك...و ما تشوفوني و الا الأماره كلها تسمع صوتي من شده الفرح و انا اصلا كان قلبي طايح في رجولي....قلتله مو معقول ماني مصدق...قالي شوف الأمير كاتب بخط يده"لا مانع لدي من اتمام زواجهم " و كاتب ملحوظه و يأخذ في حالتهم بل رأي الطبي...انا قلقت شوي بعد ما فرحت بس مدير المكت للأحوال قال هنا في الدمام احنا بنأخذ برأي الطب...اذا كان في توافق من الحاله الطبيه مافي مشكله و طبعا انا مع الخطاب حقي كنت مرفق كل الأوراق و جبت ورقه مطبوعه لموقع من وزاره الصحه يقول انه مافي تعارض و انه مافي اي ضرر الا في حالهالزواج من حامل مثلي و كان العنوان في وزاره الصحه يقول "ما الفرق ما بين السليم و الحامل و المريض". المهم الرجال قالي تحليلكم قديمه و ليها اكثر من سنه احنا كل اللي نبغاه انه والد العروسه يجينا و تيجي العروسه معاه... و يوقع علي اقرار من الداخليه..و تسوي تحليل جديد بس عشان الاوراق تمشي...و احنا كذا كذا عارفين الحاله..غير انه طلب مو جاي من مكتب الزواج بل من مكتب الأمير نفسه و انت كده كده الموافقه موجوده عندك. المهم جا والد العروسه و اخوها و هي و رحنا و والدها وقع و سوينا التحليل من جديد و هما راحوا تاني مكه لأنهم من مكه المكرمه و مسقط رأسي..التحاليل اخذت اسبوع و طلعه طبعا بنفس النتيجه بس الطرسقه مره مختلفه.

جاتهم في الأماره ورقه واحده بس مكتوب فيها اسوي و رقم الهويه و اني حامل للثلاثيميا و اسم خطيبتي و رقم هويتها و انها سليمه و انه الزواج متوافق و لا يوجد اي موانع و يرجي موافقه الولي و العروس...طبعا الرجال الله يسعده اللي في االأماره عشان لا يبهدل اهل عروستي معاه كان مخلي الأب انه يكتب الأقرار من الأول...و بعديها و بس امس طلعلي رقم المعالمه اللي اروح بي المحكمه عشان اعقد....و المشكله اللي خبرتكم عنها انه لازم نعقد هنا في المحكمه اللي متحول عليها و انا ما ابغي اجيب ابو خطيبتي تاني و اتعبه لأنه كبير و لا اخوها جزاهم الله الخير و كنت بحاول اطلب التحويل علي اي محكمه في مكه او جده.....


أســــــــــــــــــــــــــف كل الأسف احبائي علي الأطاله و لكن اعذروني انا حاولت اعطيكم اكبر قدر من المعلومات و افيدكم علي قد ما اقدر ...و طبعا لسه في عندي اشياء بقولكم عليها بس عشان طولت ..هعلمكم كيف خطوه خطوه يصير الأمر و الله موفق للجميع و اتمني لكم السعاده