نفساني - عرض مشاركة واحدة

14-02-2011, 01:44 PM

انا واثقه انهم ماراح يشوفوها
وانا غالبا اجلس لوحدي وان جلست فاضيه تماما اتعب جدا من افكاري
لكن اشغل نفسي بالنت ماعرف كيف افرق بصراحه
ومافهمت كيف قصدك هل تقصد مثلا اني ممكن اشوف شئ واتخيله شئ ثاني؟
عشان كذا اسال احد جنبي؟؟؟
وهل الاوهام تحتاج لعلاج ام انها شئ طبيعي؟؟
وتاتيلي بين اوقات متباعده مثلا مرتين بالشهر لما اخرج واتكلم
ارجع البيت فاسمع صوت يؤنبني ويسخر مني ويذكرني باني خرجت ويتوعدني ويعذبني الليل بطوله
واحيانا الاصوات نفسها اسمعها بالبيت لكن بصوت عالي كانهم جنبي لكن عرفت ان هذا طبيعي
ومن ضغط الافكار
بالواقع مو عارفه اميز هي هلاوس ولا ايش مابي مثلا اخذ دوا غلط !
وفي هلاوس تعرف انها مو حقيقه يمكن تصدق انها حقيقه مثلا 60%لانها تظهر وتختفي
وفي هلاوس مرت علي زمااااان كنت افكرها انها حقيقه بنسبه 99%

اخاف اخذ دواء لاسباب
اولا لايمكنني ان اذهب للصيدليه لوحدي اكون مع اهلي وتصير ومشاكل
وبصعوووبه يررضون واكيد بيسالوني ايش الادويه هذه ومره اخذت دوا من اعشاب
والصيدلاني احرجني وقالي انه منوم قدام اخوي
وانا جدا اخاف وارتبك لما اخرج للصيدليه
وايضا انا جسمي من النوع الي لما اخذ ادوية نفسيه غالبا يتعب تعب كبير من الاثار الجانبيه
فمثلا لما اخذت الريسبيردال صالي ميلان وشد قوي بفمي لدرجة ينزل الدم
اعراض لازم اخبر اهلي والطبيب بها اني اخذت دوا الفلاني فصار لي كذااا
انا اخايفه اهلي يعرفوون جدا خايفه وان خلص الدوا كيف اشتري غيره واحتاج لاشهره
عشان اقنعهم ياخذوني صيدليه هذا ان كانت نفسيتي كويسه وقدرت انطق واطلب
وان خلص الدوا بوقفه فجاءه واخاف تيجيلي انتكاسه
وواخاف تظهر علي اعراض الذئبه الحمراء لما اخذت التيجراتول اخر مره تحسس جسمي منه
وتعبت لشهوور والتلبس على الطبيب معرفة التشخيص الصحيح واخذت ادوية مناعه وكرتوزون
بالنهايه انتهت ال6 اشهر الي يتاثر فيها الدوا بالدم واختفى المرض من الدم والاعراض !
باختصار لازم اهلي يعرفوا ونفسي اعمل فحوص كامله قبل لااخذ اي دوا
عشان لو حدث شئ مانحرج ويجرحوني ويعذبوني
فلو يعرفوا اي موضوع نفسي عني مره يحرجوني ويتعبوني ويسخروا مني ويذكروني بالماضي
ودوامي هالسنه بالكليه مررررره طويل مارجع البيت الا المغرب
اخاف انعس واخاف تتعبني الاعراض الجانبيه ..

اعتذر لاني اتعبتك معي
دوووشه وماني فاهمه نفسي تعبت يوم اكون كويسه وويوم ازفت من الزفت
السؤال الاصعب والي متعبني من انا؟ ولما اتذكر شئ احسه غريب ومو لي
فاتعب جداااااااا انا وهم كيف اتحرك كميف سلموا علي كيف لمسوني كيف شافووني
انا اضن اني كنت خارقه لكن ماتت قواي وانسرقت فماعدت الا وهم انا ضعيفه
واحيانا اشوف نفسي مقتوله واقول انا اصلا ميته لكني استرجع صفحات من الماضي كمذكرات !

فقدت ثقتي بنفسي في كل مره اتذكر فيها موافق الضرب من اهلي
وايضا قبل سنه انضرب من بنت بالكليه ! كنت مكتئبه جدا وكانوا يسخرون علي
دايم يستقلوا فرصة شخص مكتئب !
بنات لااعرفهم قلت لازم اتقوى انا تغيرت لازم اوقف هالمهزله
التفت ونطقت بكلمة خير ! فقط
قلبت علي الدنيااااااا لاني دافعت عن نفسي
انضربت بشكل مو طبيعييييييي وانذليت قدام كل البنات
ساعات اشوف نفسي بالارض وساعات اشوف راسي ينضرب بالجدار
وتعرف جامعة بنات فالكل مجتمع ويصرخ ويحاولوا يمسكوها ومو عارفين
حسيت نفسي اضعف من الضعيفه كان دايم خوفي يكون من ان يحصلي شئ و يتجمع علي احد
بكيت لثانيه وسكت جاتلي بلاده مو طبيعيه ودووشه ماعرف انا فين انا بحلم !
لدرجة كملت يومي بضحك وشئ طبيعي وباخر ساعه من الدوام بديت افتكر واتذكر الي صار
فجلست ارتجف جدااا وخفقان وتعبت نفسيتي جدا وجسديا
ورحت المستشفى طول الليل ومسكنات ومغديات وكل الفحوصات سليمه
كرهت نفسي صرت امشي وبنات من اقسام ثانيه تاشر علي شوفوها هذه الي انضربت مسكينه !
ياحرااام ماضربت الا هذه الهاديه ! اقسم ان البنات يدقوا عليهم اخواتهم من لاقسام الثانيه واسمعهم
في بنت انضربت بقسمكم من هي ؟!
صرت حديث الجامعه كلها وانا اكره ماعندي ان تتوجه الانظار لي
والحين كل مامرت البنات قالولي البنات شوفيها شوفيها وانا اصلا ناسيه شكلها وربي ومابي اتذكرها
ومرت جنبك وتطالعك بنظرات وانتي مو حاسه
احيانا انسى واكون تمام وممكن اقول احيانا تجيلي نوبات هوس وتخليني تمام بمعنى اصح
لدرجه احد يذكرني واحسه مو حقيقي
لكن لما اذكر اتخبى ورا البنات اتخبي بكل مكان مابي احد يشوووفني
فقدت ثقتي بنفسي