|
وسواس ورهاب واكتئاب وش باقي
بسم الله الرحمن الرحيم
السلام عليكم ورحمة الله وبركاته
ماني عارفه كيف ابدأ الموضوع
بس حالتي سيئه جداً انا قبل فتره رحت لدكتوره نفسيه
وشخصت حالتي انها وسواس قهري سبب لي اكتئاب ورهاب وقلق
تقول ان شخصيتي اصلاً وسواسيه
المهم انها صرفتلي علاجات وكنت اتمنى علاج سلوكي بس قالت عالجي نفسك بنفسك
سبحان الله وانا ليش جيت لك ..
المهم استخدمت العلاجات فتره وماحسيت بتحسن ولاني عارفه ان الادويه شئ مؤقت فقط
فقطعتها من نفسي بالتدريج
الحين ساءت حالتي اكثر وانا كملت 8 سنوات اعاني والمشكله اني تزوجت
وياليتني ماتزوجت لاني قاعده اظلم زوجي كثير ومااعطيه حقوقه كزوج بس غصب عني
وتأنيب الضمير شغال
واللي زاد الطين بله بنتي آه يابنتي وربي اني اسوي فيها اللي مايسويه الظالم في عدوه
ضرب وقسوه وقلب خالي من الرحمه المشكله بعد مااخلص اساليب العنف معها
اجلس ابكي واتعب واتمنى اذبح نفسي من القهر لكن بعد ايش
حاولت اتقرب من الله كثير بس في شئ يمنعني ويبعدني عن الله غصب
حتى احاول اخشع في الصلاه بس مره مافي امل عقلي في مكان ثاني
حتى اذا بغيت ادعي الله مااعرف اش اقول ولا تنزل دمعه من عيني
وانا طول اليوم ابكي بس وقت الدعاء يجيني برود غير طبيعي
حتى قلبي صار اسود مليان حقد على الناس وربي ماكنت كذا بس مدري اش اللي صار ..
محتاجه دعواتكم في ظهر الغيب
ونصايحكم ..
ربي يجزاكم الجنه والسعاده في الدارين ..
|