نفساني - عرض مشاركة واحدة

16-02-2011, 03:31 PM

السلام عليكم

وشلونكم إن شاء الله بخير

اليوم ودي أهرب ...... صديقاتي بيزوروني لهم كم شهر ثلاث مرات أطردهم وذا المره ما أدري وشلون كلمتني وحده منهم قبل شوي وقالت بنجيك أنا والبنات ومن الصدمة ماعرفت أتهرب ولا أعتذر قلت حياكم تشرفون وأنا ما ودي أشوف أحد.... أنا أهلي صايره ما أطيق أقعد معهم جايتني حاله كارهه كل شئ ولا أبغى أشوف أحد مساكين يحسبوني اللي خبرهم وعلى بالهم بيستانسون مثل أيامنا أول ....... الله يهديهم ليش الإحراج أنا من زمان منقطعه عنهم يعني باين ماودي لا أزور ولا أحد يزورني مالي خلق والله مانيب طايقه أقعد معهم ولا لي خلق أحد يمسكني تحقيق وش فيك وش مسوية وش صاير ... شكلي بسلم عليهم وأقعد عندهم أمي ويستاهلون ......... الله يعلم إني أحبهم وأعزهم بس ما أبي أشوف أحد غصب عني والله

ياربي وين أروح ساعدوني وش أسوي فكرت أدق عليهم وأقول مشغولة اليوم بس باين عذر سخيف وكم مرة سويته.. وش السواة لا تقولون أقعدي معهم مستحيل وإن تركتهم وقلت تعبانه بيكون شكلي سخيف وراح يشكون بوضعي وش الحل؟؟؟

ياليت ألاقي لي مكان أهرب فيه من الناس كلها