السلام عليكم ورحمة الله وبركاته



عندنا مشكله وليت تساعدونا بحلها اكون ممتنه لكم
ربي يجزاك كل خير

عندي بنت خالتي عمرها 16 سنه
تدرس بأولى ثانوي ، مشاء الله مستواها الدراسي ممتاز
وذكيه مشاء الله مع بدايه الترم الثاني عطوها النتايج للترم الاول
ومن بعد هالنتيجه والبنت حالتها متأزمه لان بنت يوم شافت نسبتها ما ذكرت الله
ويمكن جتها عين منها

المهم ودتها خالتي لشيخ يقرا عليها وقال مافيها عين او مس

انا توقعت ان اللي فيها حاله نفسيه مو عين او حسد
لاني ادرس علم نفس
توقعت حالتها اكتئاب حاد أو ضغوط نفسيه مكبوته وانفجرت مره وحده
مو متأكده ميه بالميه انا توني مستوى سادس وخبرتي لسه مانضجت كثير
تخيلي دكتوره تتكلم من غير وعيها و صارت تألف بالكلام يعني مو مضبوط الكلام
واذا راحت للشيخ بالموت تنزل من السياره واذا قالت لها خالتي كلي ترفض ما تاكل
بس تعاند و حالتها صايره عصبيه مره
حتى المويه ما تشربها حلقها ناشف ولها ثلاث ايام مانامت
والمدرسه ماراحت لها من يوم الاربعاء وحالتها زززفت

وحتى الله يكرمك التحمم خالتي تحممها

وبس تبكي وربي مره ضايقه صدورنا عليها الله يشفيها يارب
قلت لخالتي وديها لدكتور نفسي او اخصائي نفسي
والصباح ودوها لمكان كله عشب اخضر
يمكن ترتاح نفسيا او ودوها البحر يمكن ترفه عن نفسها
أو خلوها تروح لنادي تسوي رياضه هي واخواتها لان من علاج الاكتئاب البيولوجي
ممارسة الرياضه
المهم بنت خالتي سمعت خالتي وهي تتكلم معاي بالجوال
وانا اقولها روحوا للبحر

قالت الي ان اللي يركض على البحر غبي بيركض وبعدها بيرمي نفسه بالبحر
هذا اللي خلاني اقول ان اللي فيها اكتئاب يمكن هي تفكر كذآ

ترمي نفسها ف البحر

وامس خالتي هي وزوجها كله بالسياره ترفض اي شي
قالوا لها بنروح مطعم نتعشا قالت ما ابي عشا
وبالسياره يدورون فيها وربي خالتي تعبت معاها كثير
المهم خالتي ودتها امس للدكتور النفسي


وعطوها ابره ما ادري لأيش هالابره
اتوقع انها منومه

المهم نامت من هالابره من امس الساعه 1 بالليل الى اللحين 2 الظهر

ياليت تفيدنا وربي ما ننساها لك
نفسياتنا تعبانه عشانها وبالذات خالتي وامي
الله يجزاك كل خييييييييييييييير نبي ردك


ب انتظارك على احر من الجمر
في امان الله

المصدر: نفساني