المشاركة الأصلية كتبت بواسطة & سحر &

اليوم دروا خواتي عن الأحلام بس ما دروا عن الوسوسة
والخوف والضيقة والبلاوي الباقية

اليوم جتنا اختي الكبيرة متزوجة صار لها أسبوعين
ما جتنا وأول ما شافتني شهقت ذيك الشهقة حرام عليك وشذا
النحافة وتعطيني هي وأمي محاضرة عن الغذاء والتغذية
مايدرون وش فيني يحسبونه دلع ما أبي آكل وأنا أهز راسي وإن شاء
الله باكل وخانقتني العبرة ( موب شي جديد)

المهم في الليل جلست أسولف مع خواتي وسالفة تجر سالفة لين قلت لهم سالفة
الأحلام ويجلسون يضحكون علي حتى اختي الصغيرة نقدت علي واخزياه وأقعد أصيح
وقالت لي اختي الكبيرة لا عاد تبحثين عن تفسير الاحلام ولا تفسرينها ترا بتجيب
لك المرض
عاد هي ما تدري ان المرض لاعب فيني من زمان
بس حسيت اني ارتحت شوي يوم علمتهم بسالفة الاحلام

حنين عسى ما رحتي ترا ذا السالفة لك