انا اتفق مع الاخ الكريم ابو مالك

كل الاخوان ادلو بدلوهم ونصائحهم واذا كنت تريد نصيحه خذها من اناس متزوجين وكل الاخوان اللي هنا ماشاء الله عليهم قلبهم عليك وعلى زوجتك ولا يريدون اكثرهم ان تطلق .

فمن هنا اقول وبالله التوفيق مثل ماقال اخي ابو مالك واذكرك ياخي بانك رجل لابد ان تكون حازم في قرارتك ولا تجعل لاحد ان يتدخل في حياتك ولا تذكر مشاكل الا لاعز اخوياك ولا تذكرها للاهل بالذات حاول ان تكون لك خصوصيه , حاول ان لاتفتح معها نقاش تحس انه راح يزيد او يكبر دائما حاول يكون نقاش عادي وفيها ضحكه وابتسامه واذا حسيت ان الوضع يبدأ يطلع لمشكله قول انا بطلع اجيب شي من السوق واطلع من البيت ساعه ساعتين وانت راجع جيب معك هديه لو بسيطه وسوي لها مفاجأه ترى كلها ماتكلف يمكن 10 او 15 ريال وصدقني راح تعيش ملك وقتها والمعروف ان الهديه تطيح كل المشاكل مع بساطتها ولا ترجع تفتح الموضوع اللي تناقشتو فيه مره اخرى . انا قرأت الموضوع وزوجتك باقي صغيره في السن حاول تحسسها بأنك ابوها وزوجها احضنها بكثره وحاول تقول لها كلام حلو يعني صراحه مايصير نخليها تعاني من جهتين ممكن انك بدال ماتطلقها تساعدها على الخروج من الوضع الي هي فيه ترى المسأله نفسيه مو عضويه يعني حاول تغير من نفسيتها وشوف كيف تختلف الاوضاع نفس الحاله هنا في المنتدى كثيرين يشتكون وينتظرون احد يتعاطف معهم ويطمنهم فارجو منك ان تكون رقيق ودام زوجتك عندها هالحاله ارجو منك ان تكون لين لابعد الحدود ولا تشد مهما صار ولا تفكر تطلق ابدا واتبع نصيحتي وبأذن الله تعالى سوف تجد الحلول وطول هالفتره انصحك بكثرة الاستغفار . واي واحد يسئلك عن حياتك الزوجيه قول الحمد لله مرتاح ومبسوط ولا تبين لاحد انك في حالة تغير , لان اكثر مشاكل الطلاق من كلام الناس .

سجلها في عقلك واتبع ماقلت لك وبأذن الله تعالى راح تشوف شي راح يعجبك .