الاخت حنين الفاضله نورتي الموضوع
بس ماشفتك علقتي على الموضوع وكثيرين من الاخوان ماعلقو على موضوع الاخت ام جمانه مع ان الموضوع قمة في الروعه .
شوفي ياختي حنين انا ماحب اتفلسف واقول كلام بعدين يؤخذ علي اني معارض لمبدء الطب النفسي او العلاجات بعدين يقولون عني انت اللي تفهم والعلماء اللي في العالم كله مايفهمون . واعلم يقين ان الله عز وجل ماخلق داء الا وجعل له دواء علمه من علمه وجهله من جهله , واعلم ان رسولنا الكريم له احاديث كثيره تتعلق بالطلب النبوي ومعجزاته صلى الله عليه وسلم التي احتارو فيه العلماء الى يومنا هذا والى يوم القيامه .
ممكن اكون انسان مطلع واحب اثق نفسي بالقراءه وزي مايقولون مافيه شي الا واحب اقراءه مالي ميول معين ولكني انسان احب اخذ كل شي بالعقلانيه ودائما الناس بعمومها يختلفون في وجهات النظر ولكنها لاتفسد نفس محور القضيه .
بالنسبه لي شخصيا استخدمت سلاحين واحد من الاسلحه موجود في نفس الموضوع فوق وهو الصبر اما بالنسبه للسلاح الاخر وهو الدعاء فالدعاء اقوى مما يتصوره العقل فهو سلاح مستحيل يكون ضدك ابدا بل معك وين ماتروح ولكن يبيله صبر وثقه بالله تعالى وحده .
الامراض العضويه علاجها معروف لدى الاطباء ولا اختلاف في ذلك وبعضها علاجها بمعجزات النبي صلى الله عليه وسلم التي حيرت العلماء مثل الصدقه فهي علاج والحجامه فهي علاج وقيسي على ذلك معجزاته صلى الله عليه وسلم .
الامراض النفسيه علاجها معروف وهي نفسي يقولون عقلك الباطن ويقولون روحانيه والنفس والروح علاجها معروف يعني بجيب لك مثال عمرك شفتي احد يعالج المس او السحر ببندول او بحبوب منومه او بمضاد حيوي ؟
الجواب لا طيب معناه المشكله ياروحيه يانفسيه وكلها تتعلق بشي موجود ولكن غير مشاهد او ملموس .
طيب دام عرفت الداء معروف اذن الدواء معروف والعلاج هو القرآن .
لما الشخص يروح عند مشايخ وش تتوقعين يسوي الشيخ يقرء عليه قرآن لين يتعب اللعين ويخرج .
طيب الشيخ ليش مايتسلط عليه اللعين لانه محصن نفسه بالاذكار فما يستطيع اليه سبيل .
مع الاستمرار على العلاج اللي هو القرآن لابد ان يكون هناك مجاهده للنفس اللي هي الصبر والدعاء والاستمرار حتى تصل الى ماتريد .
تلاحظين يمكن اكثر الشباب والبنات يذكرون في ردودهم على اي احد مصاب بالهلع يقولون له طنش ومافيك الا العافيه ولاتوسوس كثير , المقصود بالتطنيش هو عدم التكلم به وحتى لو شعرت به اصبر ولاتذكره لاحد واحتسب .
تجدين اكثر الشباب الي يقول انا تعافيت من الهلع يقول انا طنشت وراحت مني يعني تجيه بس يصبر ولا يلتفت الى الهلع او المرض الروحي شوي شوي وتلاقين الاعراض كلها راحت ورح ترجع وبشده واقوى من الاول لو ترك للشيطان عليه سبيل فلازم واكرر لازم او لابد ان يحصن الشخص نفسه بالاذكار لان التحصين يضعف الشيطان ولا يقربه ابدا .
اعلم بان اكثر الاخوان يقرون ويعلمون هذا في قراره انفسهم ولكن للأسف اغلبيتهم يريدون علاجات مثل العلاجات العاديه كالبندول والمضادات الحيويه لانهم ماجربو العلاج بالقرآن لان الشيطان يجعل القرآن ثقيلا عليهم وهذا مو منهم لا والله بل من مكايد الشيظان لانهم عندما يقرون يتعب الشيطان اللي في داخلهم فيضعف الانسان ويحاول يؤذيه باي طريقه حتى يتوقف عن القراءه ولكن لو صبر وعلم يقين بان كل شي صغير او كبير هو بيد الله عز وجل وعلم بان الشيطان ضعيف لدرجه ان آية الكرسي كفيله بالقضاء عليه نهائيا.
اطلت عليك ياختي وعلى الكثيرين من الزملاء الاعضاء واخذتك كفايتي من الرد ويمكن اكثر من الموضوع نفسه لكن انتي سألتي فحبيت اشرح لك بالتفاصيل كامله واتمنى اني ماكون ممل في نظر عين الاخوان والاخوات لاني ويشهد علي رب العالمين اني اعزهم معزه لدرجه اني مشارك فقط في هذا المنتدى لمساعدتهم في الخروج مما هم فيه .
واسئل الله العظيم ان يشفي الجميع هنا ولا يريهم بأس ولا مكروه وان يتم عليهم نعمه الصحه والعافيه وان يطهر قلوبهم ويقويها بالايمان وان يرفع عنهم مابتلاهم به فلا يعلم الانسان اي خيرة يضعها رب العالمين فليصبر وليتحسب وان الله مع الصابرين .