والله ياختي حنين الشيطان ضعيف جدا جدا جدا ولا اعلم لماذا الشخص يجعله عقده لنفسه انتي حطي في بالك انه ضعيف وانتي اقوى منه ترى بس تستعذيني بالله منه يروح يندحض ويدحر المساله سهله واصبري ترى والله العظيم اللذي لا اله الا هو انه ماتشتد مره الا وافرحي فاعلمي ان فرج الله قد اتى .
لاتييأسي ولا تملي ولا تكللي ولا شي عيشي حياتك بطبيعتها وحصني نفسك واقري على نفسك واقري قرآن وتعوذي بالله من الشيطان كل مره ولا تحملين نفسك فوق طاقتها مصيره بيروح ويختفي وصدقيني بيروح ولا عاد يرجع مره ثانيه واذا ارهقك مره مرتين ثلاث عشان مايبيك تواصلين اللي انتي فيه واحب اقولك قصه حصلت لاخوي الكبير .
اخوي عبدالله الله يصلحه ويصلح زوجته وذريته كانت زوجته مصابه بمس عاشق وصبر خمس سنوات وهو معاها والله العظيم كان يحكي لي يقول اوقات يهددني وانا جالس في الصاله يقول والله ماخليك تتهنى فيها وراح اوريك وافعل وافعل واسوي , قلت وانت وش تسوي يقول انا جالس في الصاله حاط رجل على رجل واقول ضف وجهك ويصير خير .
وكانت يوم تسمع الاذان يقول تنط حرمتي على الشباك تقول خل هذا يسكت تقصد المؤذن وهذا ترى دليل ضعف ياختي حنين والله العظيم شوفي الضعيف حتى الاذان يعذبه ويتعبه وبس جلس اخوي خمس سنوات مايجيب عيال وصابر على زوجته ومتحمل وفي الاخير وداها عند شيخ وقال لايروح ولاني طالع من عندك لين يروح ذا اللعين وفعلا تاب اللي فيها واعلن اسلامه وحلف بالله انه سوف يذهب لمكه ليعيش هناك .
وبعدها ماشاء الله رزقهم الله الذريه بعدها بشهر تقريبا اذا ماخاب ظني اكتشفو انها حامل ياسبحان الله .
ذكرت لك القصه واعلمك ان زوجة اخوي خمس سنوات او اكثر معاناة وهو كان صابر ومتحمل فلابد للشخص من التحمل والصبر فهو المفتاح الحقيقي للعلاج .
اسئل الله العظيم ان ينير دربك ويرفع قدرك ويرفع عنك المصيبه ويجعلك قرة عين لوالديك ويرزقك الزوج الصالح الناصح وذرية مقيمة للصلاة .