ميراك

اول شي بعتذر منك لاني تأخرت بالحضور
صدقاً كل ما بدي افوت للموضوع
ما بعرف بصير شي معي وبنشغل وبأجلو
وانا لما بدي اقرأ موضوع بحب اتفرغ الو كلياً
لو تأخرت بس بكون على بالي...

تاني شي نحنا منتشرف فيك كونك اعتبرتنا عائلتك
وان شاءالله ما بخيب ظنك ورح نكون بمثابة أهل واخوات حقيقيين الك

ما بدي ادخل بتفاصيل معك وما بدي احقق بظروفك...
وما بدي احكيلك اتقرب من فلان وحاول تتفهم فلان...
لانه هالحكي لا فائدة منه.. لانه بعرف انك جربت كل المحاولات وما استفدت...

انت بدك حدا يحس فيك ويتفهمك...
وتأكد يا كريم انه أحياناً منرتاح مع ناس واماكن ما منعرفهم ولا بيعرفونا
وهون بنفساني في قوة ترابط بين الأعضاء حلوة كتير ومُفتقدة بالواقع
يعني فيك تشكي هون وتفضفض هون ورح تلاقينا كلنا معك ورح نتفهمك
ومو شرط الواحد يدور حل لمشكلته
لانه المشكلة رح تنحل لحالها مع التواصل والترابط
بكفي انه منسمع بعض ومنتناقش وكل واحد بقول شو عنده
هالشي لوحده بريحنا وبعوضنا عن اشياء مفتقدينها...
ومرة على مرة منصير متمكنين اكتر من انفسنا
وما رح نسمح لحدا انه يجرحنا والحساسية بتخف تلقائياً
ومجرد الشعور انه في ناس عم تنتظر مواضيعنا وردودنا
ووجودنا...هالشي بسببلنا الفرح والسعادة وبنعكس على نفسيتنا اكيد

ورح يكون هالموضوع نقطة تواصل بيناتنا اخي كريم
يعني اعتبرو دردشة عالهوا
بس انت نادي اختي ظل
بتلاقيني جيت ركض
والكل رح يفزع علينا هههههه:biggrin:

نراك على خير ميراك الورد
والى اللقاء مع حلقة جديدة ومتنوعة من برنامج( تفضل بالدخول )
هههههههههههه