نفساني - عرض مشاركة واحدة

16-03-2011, 12:19 PM

بآك ..

بعدها شفت مقاطع في اليوتيوب فادتني كثييير مره مره مره .. والحمد لله ارتحت بعدها بنسبة 70% .. الله يجزي الي سواها الف خير والجنه يارب ..

وهذي هي المقاطع ..

................

وهذي مواضيع برضوا فادتني مرررره

http://wed-gan.com/vb/showthread.php?t=18647#

http://www.nafsany.cc/vb/showthread.php?t=53470

http://www.nafsany.cc/vb/showthread.php?t=61721

http://www.nafsany.cc/vb/showthread.php?t=44662

....................

بعده الحمد لله خفففت حالتي ما صرت افكر على طول

بس المشكله الي باقي فيها .. ان المعتقد الي انا عليه لازم اغيره بس كييف ..

المعتقد الي عندي .. ان اي وحده عادي تخون وما همها زوجها ولا اهلها ولا دينها واي وحده

اشوفها اقول اكيد هذي خربانه وخاينه وكذآ .. انا تعبت بصراحه لاني عارف ان الي افكر فيه

خطأ × خطأ .. لكن المعتقد هذا مقفل راسي .. يعني مثل ما تقولون كان في شيء يحدني اذا جيت

اعدل المعتقد واغيره ماااا اقدر .. مع ان الوالده الله يخليها .. حاولت تقنعني كذآ مره وتحاول تغير

معتقدي لكن من غير فاديه ..

المهم ..

دخلت اصلي يوم من الأيام في مسجد الدوام .. الا شايب كبير طلع يوقف ويسأل الناس

ويقول انا تعبان وعندي سكر والعمود الفقر ومدري وش .. وعندي علاجات اذا واحد فيه خير

يشتريها لي ووو .. المهم قام وجلس عند الباب والي طالعين الي يعطيه ريال والا خمسه ..

المهم ..

انتظرت لين طلعوا كل الي في المسجد .. وقلت له يا عم .. انت محتاج الأدويه هذي ؟؟!

قالي اي والله يا ولدي انا عندي السكر والضغط والعمود الفقري ..

قلت له خلاص خلك هنا بجيب السياره واوديك نشتريها من الصيدليه .. قال طيب ..

ورحت وجبت السياره .. وركبته ورحنا واشتريت له الأدويه .. وقلت له يا عم والله ودي اوديك

البيت لكن وراي دوام ما اقدر اطلع . قالي جزاك الله خير ما قصرت .. قلت له ابغاك تدعيلي ان الله

يشفيني انا فيني مرض .. وقام يدعي الله يشفيك ويعافيك و و و .. نزلته وعطيته فلوس للغدا وللتكسي

ورجعت الدوام .. وانا جالس ع المكتب .. فتحت موضوع عمري وفي حياتي مافتحته ؟!!

بعد الموضوع هذآ .. سبحآآآن الله .. تغير تفكيري بسرررعه .. صرت اقدر اغير المعتقد

ماني مستوعب كييف صار .. اول شيء حسيت بشد على جهت راسي اليمين ..

واوجعني راسي خفييف .. كانه صدااع .. بعدها سبحاان ربكم .. صرت اقول لا وين البنات فيهم

خربانات وفيهم صالحات والبنت التقيه ما تخون دينها قبل اهلها .. و و و

بصرآآآحه والله العظيم اني فرحت فرح على اني قدرت ادخل عالفكره واكسرها ..

الموضوع الي فتحته كآآآن خير علي وكله بسبب الصدقه ..

وانا والله ما ذكرت القصه على انها ريآآ .. لا والله عشان اعلمكم ان الرسول صلى الله عليه وسلم

صدق يوم قال .. (( داوو مرضاكم بالصدقه )) .....(( ان الصدقه تطفئ غضب الرب ))

والموضوع الي فتحته .!!!

يتبع ..