انا ضايقه فيني الدنيا
انا متزوجه من كم سنه
قبل الزواج طلبنا من اهله يشووفني الشوفه الشرعيه وهم رفضو
المهم
تزوجت وانا في شهر العسل اصلا شهر بصل مشاكل حسيت انه مايحبني وماعجبته
بس زي ما يقوولون وقع الفاس براس واصلا ماسافر فيني الا 4 ايام وكلها مقضيها نوم عشان مانظلع لان مامعه فلوووس
عشت معاه لان ضروفي تجبرني اني اعيش معاه ولاعندي ظهر استند عليه
ابوي متوفي الله يرحمه وماعندي اخوان اشقاء
جبت منه اطفال وهو انسان عصبي ودايم لما ابي اناقشه بموضوع ابد مايتفاهم
يسكر على الموضوع ولاتناقشين ودايم يسكر على الموضوع من غير مانطلع بحل ولا اقول اللي بخاطري
واذا جلسني عند اهلي يفرح مايبي يجي ياخذني لازم انا اساله متى تجي
انا بديره بعيده عن اهلي واهله بديره قريبه من ديرت اهلي
المهم كل اسبوعين ثلاث جايين ونجلس عند اهلي اكثر من اني اجلس ببيتي
وهو يرجع للشقه يجلس عزوبي عادي ماتفرق معه
كل العلامات اللي تدل على انه مايحبني موجوده
وهو يقول لو ماحبك ماتركتك ساعه
لما اكلمه مايعطيني اهتمام ويطنش ومايرد اذا ابي اطلع مايطلعني الا بطلعة الروح حتى مكان عام مانطلع الا نادر وهذا يوم كبر ولدي شووي يطلعنا عشان ولدي مو عشاني
مصرووف مايعطي لازم اشحد منه شحاده
ويعطي شي بسيط
واذا جلسني عند اهلي مصرووف تافه وحنا نجلس ناكل ونشرب ولانشري شي ابد لهم طبعا انا وعيالي قلتلك هو يرجع يجلس عند اهله او بالشقه لحاله
مايتغزل فيني ولايناظرني نظرت اعجاب ابد
ودايم يقوول ابيك اجتماعيه وجريئه .....وووو
كل انسان وطبعه انا مو من النوع اللي يحب
وفوق هذا كله الله من كلمه وكلمه جرح فيها مشاعري وانا دست على كرامتي وجالسه عنده لان الظروف كلها ضدي
وادري هو مجلسني عنده مو حب فيني مجلسني عنده شفقه ورحمه
ابيكم تنصحوني احس اني اتعس انسانه بحياتي كلها ماتهنيت لاقبل ولا بعد الزواج مكتوب علي اعيش تعيسه
وغير كذا كل شي يقوول لامه حتى اذا قلتله لاتعلم يعلم ومايرضى اني اناقش الموضووع معه يقوول انتي موسوسه وماتبين الناس وهذي امي وووو.....
المهم عايشه معاه ولااعرف عنه شي لانه مايتكلم عن نفسه مايقول احب كذا وكذا او يعجبني كذا وكذا حتى لما اتزين مايلقي اهتمام ماكانه موجود
الجنس يقول مايحبه ويطلع عيوووب فيني وهو اصلا العيب فيه بس مومعترف
فيه مثل يقول (الوصول الى قلب الرجل معدته) يقول المثل هذا ماينطبق علي انا مااحب الاكل
مايحب يسولف معي ولايحب يناقش مواضيع او يحاول يدلعني مع انه عند اهله مايسكت من السوالف
دايم يقوول انتي تجيبين النكد اذا كلمته بشي
انا عارفه انا مايحبني ومايبيني بس جالسه عنده وادري كرامتي دست عليها
لاني ماادافع عن نفسي ولاعندي احد يدافع عني ولاعندي احد افضفض له اكتم بصدري كل شي اصيح بيني وبين نفسي لحالي
وهو ماطق لي خبر
السفر من تزوجت اقوله بنسافر بنتمشى يقوول مامعي فلوس
مانسافر الا لديرت اهلي ويجلسني ويروح وهذي حياتي معاه
واذا كنت عنده وجهي بوجهه اذا قلت بنسافر قال مامعي
قلت مشني قال مامعي
قلت ابي اتقضى ابي السووق يعطيني 100 او 200 لي ولعيالي
يعني طول الوقت بالبيت مافي تغيير طفش وملل وغير كذا هو موطايقني وش اسوووي
انا ماني موظفه علشان اعتمد على نفسي واطلب الطلاق ولاعندي احد الجاله
ابي حل كيف احببه فيني كيف اعيش واثقه من نفسي نفسيتي تعبانه المررررره
الناس اللي نعرفهم اقل شي بالسنه يسافروون مره يتمشوون ياخذون عمره يغيروون جو انا لاسفر ولا شي واذا قلتله فلان راح وفلانه شرت يقول ليش ماتزوجتيه
سااااااااااااااااااعدووووووني
كلامي مو منظم بس ان شاءالله يكون مفهوووووووم ومعااااناتي وصلت
انتظر حلكم