امس يوم كتبيت المووووضوع كنت متضايقه مررره لاني متهاوووشه معاه كالعااده
آآآآآآآآسفه على ((ابي انتحر))
(((ابي اغير حياتي)))
هذا انا الحين غيرت اسم الموووضووع
ابي اضيف اشياء نسيت اقولها
لقيت معاه بطاقات سواء كذا وحده ويقوول هذوولي مو لي لفلان وعلان وحده تعلق والثانيه مدري وش فيها يطلع علي من هالكلام ......
ومره لقيت معه جوالين فيهم شرايح غير جواله الاساسي
وانكر انها موله يقول حقات خويه اجربها وخربانات ومن هالكلام....
واحد من هالجوالات كسره وكسر الشريحه والثاني حلف بالمصحف انها موله لخويه وبيعطيه وفعلا اخذه ومعاد شفته معه يمكن يكون داسه بسياره او بمكان ثاني ماادري
ولقيت معه مره فتحت محفظته مع اني مو من النوع اللي ادور ورراه بس جاء ببالي وفتحت المحفظه والى فيها اوراق حقات المقاهي حقت النت اللي بساعات مدري وش يسمونها
بعدمافاتحته بالموضوع انك تدخل نت من وراي ليش ماقلتلي اول شي عصب وزعل الى الطلاق بغى يطلق
وبالاخير قال هذولي لدوام خربان عندنا الفاكس ... ونطبع مدري نرسل من عند هالمقهى وقلت معقووله دوامك اشياء عسكريه وسريه تطلع برى الدوااام يقول اي لان الفاكس حاليا معطل ويطلع من هالاعذااااار الى قبل....مدري صدق اوو لا
ومره لقيت بالابتووب ايميلات باسماء بنات وبعضها باسماء جنسيه
وبعد ماكتشفتها بالجهاز طبعا مافتحتها بس الايملات
جلس يحلف ان هالشي من زمان وقبل الزواج والحين انا متزوج وابو عيال من يبي فيني
لازم يطلعني انا الغلطانه
والايميلات هذي فاتحها بعد الزاوج لان الجهاز جهازززي
مدري هو يخووووني او لا
والاكييييييد ايوه
كل هالاشياء اثبااااااات
كيف اتعامل بحياتي
كيف افتح معه صفحه جديده
كيف انسى كلام التجريح اللي قاله بكل هوووشه
بعض كلامه احسه سم على قلبي
كيف انسى الماضي
كيف اخليه يحبني
اشياء كثيررررره ابيها تتغير
انا انسانه موقبيحه عشان مااعجبه بس في بباله مواصفات ماتنطبق علي
يبيني قوووويه وجريئه واجتماعيه ومايهمني احد ونكتيه ومرحه....
بالعكس الاشياء اللي يبيها انا ابيها بعد بس مو على كيفي
تربيتي غير عشت يتيمه الاب مريت بضررروووف بحياتي سوت لي عقد نفسيه
جربت المنه من فلان وعلان
انا مو اجتماعيه ولا انطوائيه
بس عندي مشكله هي اللي مسببه لي عقده وهي فهم نفسيات الناس
اعرف الشخص اللي قدامي يبيني او لا متضايق او مرتاح
مبسوط من كلامي له او متضايق
يعني اذا جلست مع شخص حسيت انه لما اكلمه مايعطيني اهتمام خلاص اسكت واتركه بعكس بعض الناس حتى لو مايعطيه اهتمام يطلع من سالفه ويدخل بسالفه
ولما اقولهم ماتحسوون انه مايبي يتكلم معكم او متضايق من شي يقوولون لا وش يضايقه مثلا وبالاخير الاقي بكرى او بعد يطلع الخبر فلان يوم كنت عندكم كنت متكدر شوووي يعني احساسي صح
بس احساسي حلو وبنفس الوقت دمرني
انصحوني كيف اكون جريئه وواثقه من نفسي
اتمنى الاقي الحل عندكم
والله يعطيكم العافيه