اييه يا زمان

بيانات اضافيه [ + ]

رقم العضوية : 33559  تاريخ التسجيل :  03 2011  أخر زيارة : 25-10-2011 (11:51 PM)  المشاركات : 36 [ + ]  التقييم :  10

لوني المفضل : Cadetblue

الي يحصل لي بالضبط

بشكل عام تجيني نبضات سريعة وكانت قبل اكثر اما الان خفت اشوي لكن موجودة
بالغالب احس ان نبضات قلبي محسوسه ومرات قوية وانا من النوع الي بسرعة اتوتر حتى لو كان سبب تافه !
بالاضافة للحالة الغريبة الي ذكرتها بالموضوع , اذا وقفت احس بشعور ما اقدر اوصفه هو مثل الضيقه بشكل عام
ونبضات قلبي بالغالب تصير قوية وفيه مرات تكون سريعة نوعا ما

طبعا انا خوفي الكبير مرض القلب وسويت فحوصات والحمد لله مافيني شي لكن مو جاي اخلي فكره اني سليم تثبت في راسي لازم تجي افكار سلبية وطبعا بركات الانترنت والمواقع الي فيها اعراض الامراض وغير الدراسات الي تارسه الانترنت عن الامراض

لاحظت ان كثير من اعراض القلق تنطبق علي بس زي ما قلت اوسوس ان الي فيني ممكن يكون سببه عضوي

ضغط الدم ايضا شي مسبب لي مشكلة , اول ما جات حالة الخفقان لي قبل سنتين رحت لأخصائي قلب وعملت الفحوصات واكد لي اني سليم والحمد لله لكن قال لي عندك ارتفاع بضغط الدم وقت ما قاسه

بعدها قست ضغطي مرتين وكان فيها مرتفع مع ملاحظة اني اتوتر وقت قياس الضغط لدرجة اني احس بنض قلبي بدون ما احط يدي على صدري وقسته مرة ثالثة يوم كان فيني نزله معوية وقال لي الطبيب ان ضغط دمك طبيعي ومرة رابعة كان عندي بعد نزلة معوية ونقص بالسوائل قاسه الطبيب مرة وانا منسدح وكان طبيعي وبعدها قال لي وقف وقاسه وطلع طبيعي ومر وقت بعدها رحت لمستوصف بس حق اقيس الضغط ونفس الكلام بس جلست اقيس ضغطي توترت وضربات قلبي صارت محسوسة وقوية وطلع ضغطي مرتفع ومنها ما قسته مرة ثانية
اخر مرة الي قلت عنها قبل شهرين تقريبا

اعاني بشكل عام من وساوس فكرية , اعطاء بعض الاشياء اكبر من حجمها , التوتر لاسباب لا تستحق
شخصيتي تتسم بالحساسية الزائدة في صغري كنت ميال للعزلة وحساس كثير
تجيني مرات افكار غير منطقية ابد بسبب بعض آلام اعانيها وانا افكر واعرف انها شي غريب ولكن تشكل لي خوف ورهبة

ذكرت بهالرد الي احسه بشكل عام والي اعانيه فما ادري كيف ارجع زي ما كنت