نفساني - عرض مشاركة واحدة

24-03-2011, 05:47 PM

اختي العزيزة انا معك بفكرة انك ما تاخي دواء غير لتجربي العلاج السلوكي و التحكم بالافكار ... انا بصراحة جربت العلاج الدوائي و ما نفع معي لانو سببلي اعراض كثيرة ما كانت موجودة عندي بالاصل و عشان هيك ضليت ادور على علاج ثاني و الحمد لله لقيته و جربته و النتيجة طلعت رائعة و بصراحة العلاج السلوكي اللي بقراء عنو بالمنتدى مثل طريقة التنفس الصحيح او طريقة تحريك اجزاء من الجسم او اي طريقة تانية ما اعتبرها العلاج للحالة كلها عبارة عن تهدء مش اكثر و العلاج الصحيح برايي بعد تجربة واقعية هي التحكم بالافكار و هو بصراحة علاج مش سهل التطبيق ولاكنو العلاج الوحيد لموضوع الهلع .. اختي العزيزة اطمئني انت لست مريضة نفسية او عند مرض عقلي او عضوي انت عند شيء اسمو سوء تفكير وهو ناتج عن تعظيم المخاوف الطبيعية اللي ممكن الانسان يتعرض الها بالحياة و اهم شي بالعلاج هاذ انك تقتنعي انك انت اللي سببتي هذه الحالة نتيجة تفكيرك الخاطىء و انصحك بالعلاج اللي انا جربتو و الحمد لله نجح نجاح ما اتوقعتو .... و العلاج انك ما اتخافي شو ما حسيتي من احاسيس و انك اتراقبي افكارك و كل ما تيجي على بالك فكرة سيئة على طول وقفي التفكير فيها و فكرة بشي جميل انت بتحبيه و اهم شي انك ما اتخافي من اي اعراض و خليها تمشي بسلام في جسمك و على العكس اطلبي منها انها اتزيد
بمعنى لو حسيتي صدرك يوجعك لا اتخافي و قولي لنفسك يلا زيدي اكثر انت مش حضريني بشي انا مش خايفة منك و هكذا .... و صدقيني راح اتشوفي كم موقف الشجاعة راح يقلب موازين الحالة
لانك حتصيري المتحكمة بالحالة مش الحالة المتحكمة فيكي و انشاء الله بتعدي الحالة عنك و بترجعي مثل الاول