|
رساله اليك يادكتور رعد اتمنى قرائتها ومساعدتي؟؟؟
السلام عليكم ورحمةالله وبركاته انا يادكتور متزوجه
وعمري 30ولدي ولله الحمد اطفال
مشكلتي بدات من اخر ولاده ولدت ولاده طبيعيه وابني على مايرام وفي اليوم الثاني عند الخروج رفضو خروج ابني قالو ان لديه حراره مرتفعه بنجري له الفحوصات وانتي اخرجي بعد 3ايام بيطلع
جيته من بكره حطوه في العزل احتمال فيه حمى شوكيه
ومضادات وخزعه من النخاع لمدة 21يوم من الالم طلعوه وقالو طيب مافيه شي يقدر يطلع ولمن الحين وانا مدري وش الي فيه بالضبط بس الحمد لله احين عمره سنتين مافيه الا العافيه
بس انا بدت مشكلتي كنت في فترة الاربعين حساسه وابكي دايم عليه وسرت اخاف على عيالي من الموت بس امسكهم في نفس ولا لا بس احاول اقاومها بالاذكار وبالصلاة
وفجائه بدتني اعراض تنميل في الاطراف ودوخه وكتمه ومابقى طبيب يذكرونه لي الارحت له لمن رحت دكتور في عيادة مطمئنه وقلتله حالتي وقال الي فيك ليس مرض ولا شي هذي حالات قلق.......استخدمت السبرالكس بوصفه منه ولله الحمد رجعت طبيعيه
بعد ماحرمت نفسي من الخروج ولجات للوحده انفرجت لي بعد السبرالكس
والان رجعت الحاله لي بعد مرور سنه ونص من تركي للسبرالكس بدت تجيني الدوخه فظيعه زادت اعراضي وخفقان في القلب من قوته رحت لطبيب القلب قالي انت سليمه وكتمه في صدري وكل اعراض السابقه ماادري يادكتور رايك ارجع اخذ السبرالكس بس الى متى ناخذ الادويه النفسيه مافيه علاج بديل لمقاومة حالات القلق غير الادويه؟؟؟؟؟؟؟
علما اني اقاومها بكل شي من قران واذكار وصلاة واحاول اني اسير قويه بس مشكلتي لوجتني الكتمه وانا عند الناس اخاف انها تجيني او في سوق او في اي مكان عام غير بيتي اخاف تجيني فيه فمانصيحتك يادكتورنا الفاضل ؟؟؟؟
وعذرا على الاطاله............
|