|
ادخلوا شوفوا ال حصلى وخصوصا دكتور رعد
بسم الله الرحمن الرحيم
امبارح الفجر حصلى موقف رهيب صحيت الساعه 3 الفجر ع ضربات قلبى سريعه جدا بشكل يخوف وحسيت انى ضغطى عالى خفت لانى حامل ف شهورى الاولى صحيت زوجى وقلتله تعبانه ودانى المستشفى اقيس ضغطى وانا اصلا عندى هلع ورعب ماله وصف من جهاز الضغط ومن الدكاتره بصفه عامله المهم انى الدكتوره ال هناك طلبت رسم قلب بعد ما لقت ضغطى 140 على 90 والمعروف طبعا انى ضغط الحامل ف الاول بيكون واطى المهم عملولى رسم قلب وكنت حاسه قلبى هيقف من كتر الخوف وبعد مالدكتوره شافت النتيجه لاقتها بتقولى تعالى معايا خدتنى انا وزوجى ع ا وضه ببص لاقيت مكتوب عليها الانعاش !!!!!!!!!!!!!!!!!!
كان هيغمى عليها بجد دخلونى الاوضه دى وركبولى اسلاك ف كل حته ف ع القلب وع ايدى وع رجلى وسحبوا منى عينه دم وركبولى جلوكوز ولاقيت الدنيا اتقلبت ونزلوا اتنين دكاتره ماعرفش جم منين وف ثانيه الاوضه اتملت بالممرضات وكل واحده بتعمل حاجه بسرعه غريبه بجد ربنا ستر انى روحى ما طلعتش من الخضه
المهم ال استوعبته من كلامهم بالانجليزى انهم شكوا بان ف جلطه ف القلب !!!!!!!!!!
سلام قولا م رب رحيم ف دكتور فيهم قال مستحيل النبض كان واصل ل160 دقه ف الدقيقه
المهم الدكتور قال مش ممكن واما زوجى قاله انى حامل سالنى انتى بتعانى م القلق قلتله اه قال دى نوبه هلع اكيددددددددددددد
المهم سابونى ع الجهاز ده وانا اصلا م شفاهمه ايه الجهاز ده بس هو خاص بالقلب
وبعد شويه القلب ضرباته وصلت ل100 دقه الدكتور قال طلعوها م الانعاش مفيش حاجه
المهم طلعونى ع الملاحظه قعدت هناك ساعتين قاسوا الضغط تانى لاقوه 120/80 والقلب برضه 100
كنت هديت شويه واتكلمت مع الدكتور وقلتله انى بعانى فعلا م الهلع وهو قال انه هو شخصنى هلع فعلا وانى ضربات قلبى مستمره ف الخفقان
والتحاليل الدم طلعت سليمه والحمدلله وخرجونى بعدها بتلت ساعات
سؤالى لدكتور رعد انا مش عارفه بالظبط الجهاز ال كان ف الانعاش ده ايه رسم قلب ولاايه بس هل الجهاز ده بيكشف اى مرض ف القلب او ف الصمامات لانى ال اعرفه انى تخطيط القلب مش بيبن لو ف مشاكل ف صمام او عضله القلب وانى ال بيبن الايكو ده ع حد علمى ويارب ما تشوفوا ال شفته ابداااااااااااا
|