|
مشاكلي مع زوجي قصة لاتنتهي
بسم الله الرحمن الرحيم
والصلاة والسلام على اشرف المرسلين
سيدنا وحبيبنا محمد اكرم الخلق اجميعن
تحية طيبة مباركه لكل اعضاء المنتدي الكرام
هذه اول مشاركه لي بالمنتدي
كتبت مشكلتي هذه بمنتدى ونصحوني انه الجالكم واعطوني رابط منتداكم الراقي
وكلي امل انه اجد حل لمشكلتي عندكم
ساطرح لكم مشكلتي او بالاحري هي سلسلة من المشاكل وليست مشكلة واحده
تنهال على راسي الواحده تلو الاخري
كل ما قلت الحمدلله ليك ياربي انحلت المشكله واليوم بالي مرتاح ومافي مشاكل
ويصبح على فجراليوم الثاني اكون شايله هم كبير يارب اليوم وش راح يكون سبب مشكلتي الجديده معه
ويعدي اليوم على خير واقول الحمدلله
ويارب دِيم على راحة البال
ولكن دوام الحال من المحال
طبعا كلكم دخلتوا في دوامه وتقولون هذي وش قاعده تخبص
اولالاعرفكم عن نفسي انا سيده متزوجه عشت مع زوجي 19 سنة ومازلت معه
ولي منه ابناء والحمدلله ناجحين ومتفوقين في دراستهم وبنتي الكبري بكلية الطب ولله الحمد
انا اعمل ولي مصدر دخل والحمد والمنة لله
ولكن سبب مشاكلي مع زوجي هي مصدر دخلي
الفلوووس وربي كرهت شئ اسمه فلوس من كثر ما سببتلي مشاكل ببيتي
زوجي شخص عصبي عنده جبروت الله اكبر عليه
لا طلب شئ اوامر تنفذ حتي لو ماكنت راضيه
عنده حب للفلوس ماشفته بمخلوق يحب يجمع فلوسه ويحطها بالبنك
وبالبيت يادوب مسؤول عن الاكل والكهرباء وغير كذا الا رحمة ربي
انا اتكفل بكل متطلبات البيت من اثاث لاحتياجات ابنائي لاحتياجاتي وراضيه لانه الحياة شراكه بين الطرفين
مع كل هذا اعطية مبلغ معين كل شهر ويضيفه لرصيده بالبنك
وهذا المبلغ انا عودته عليه وصار بالنسبه لي اجباري والزامي مع الوقت
واعطيه له عن رضاا
بعد هالمبلغ باسبوع او اكثر شوي
يبدا في طلب الفوس
اعطيني 500 اعطيني 200 والله لارجعها اعطيني ما ادري كم ويحلف صادق انه يرجعها وما يرجع شئ ويكون حلف حلف كاذب واقول له طيب لاتحلف عشانك مو عشان شئ
و طبعا اعطيه اللي يطلبه وما اقدر اقول لا
ليه ؟؟؟ ما اقوله لا !!!!!!!!!!
لانه يهددني انه يحرمني من العمل هذا اولا
ثانيا يخاصمني لارفضت اعطيه المبلغ اللي يبيه ولو جا على نفسه شوي يادوب يسلم لادخل وغيرها ما اسمع منه كلمة طول اليوم
ويستمر على هذا الحال لايام
غير انا اروح واعتذر منه واراضيه ويطلب اكثر بعد ما اراضيه
واروح انا الخبله اعطيه من سكات لاكسب رضاه وبعد عشان ما يخاصمني وانا عايشه معه تحت سقف واحد قسم اتعب نفسيا ولا يجني نوم
وهو ولا على باله ولا يهمه شئ ولا حتي يحسبني موجوده معه بغرفه واحده ويجمعنا فراش واحد
وكل مره على هالحال
وارجع اراضيه واحكي معه لاتترك الفوس سبب مشاكلنا
وهو ياولي من اسلوبه في النقاش صوته عالي وجبروته يسكتني انخرس وربي كاني ما اعرف احكي
وبالاخير يرضي وياخذ اللي بغاه
وانا قسم بالله مليت من هالوضع ومن استغلاله لضعف شخصيتي قدامه
الحين له يومين مخاصمني والسبب
انه يبغي يشتري غرض من السوق قيمتة يمكن ما تسوي سبع ريالات
حكي مو معي فلوس عطيته مبلغ و رده لي قالي ما ابيه يعني يبغي اقل شئ 100ريال لغرض ب 7 ريالات
ما حكيت معه كثير خذيت الفلوس ورجعتهاا مكانهاا
وراح عااد توكل على الله وسحب له 100 ريال من حسابه واشتري الغرض اللي يبغاه
واول ما رجع البيت رجع بوجه ثاني زعلان وشايل الدنيا على راسه
وطبعا هذا سبب لانه انا ما قريت وش في راسه وش المبلغ اللي يبغاه بالضبط لاعطيه له ويرضيه
والحين زعلان
وانا هالمرة اخذت موقف انه لااعتذر ولا اعطي الموضوع اهميه
واتركه لاشوف اخرتها معه يبغي يخاصمني شهر شهرين سنه
والله ماعاد تفرق معي
لانه مليت اسلوبه وبخله
قسم بالله يوم نطلبه شئ للبيت على طول رده جاهز... مو عندي من وين اجيبلكم غيراروح اتسلف وفلوسه بالبنك الوف مؤلفه
وطبعا انا على افهم يوم يقول مو عندي يعني هاتي لاجيبلكم اللي تبونة واروح واعطيه ولو نسيت او تجاهلت الموضوع
يعطيني الوجه الثاني والله لايوريكم اسلوبه الارهابي تجاهل وحتي السلام لاسلمت ممكن مايرد ولا سالته يرد باسلوب كاني حشره بنظره
ليه كذا يصير معي
وربي مو مقصرة بحقه ولاحق عيالي
بس ما اقول الا الحمدلله على كل حال
وربي يسترها معي ويبعد عني الهم والغم والنكد
لانه انا انسانة والله مسالمه ما احب المشاكل مع مين من كان
فما بالكم بزوجي
وما ادري وش العمل
يمكن غلطتي لانه عودته على كذا
بس راح اموت لو استمر معي بهالاسلوب
والله ما عاد فيني اتحمل مثل الاول
اخاف يصبني سكري ولا ضغط من وراه
قولوا لي وش العمل
؟؟؟؟
وادعولي امانة ربي يبعد عني المشاكل ويلين قلبه ولا يسلط على قوته وجبرته
واسف كثير على الاطاله
واعذروني قروشتكم معي
تحياااتي وجل احتراامي لكم
|