|
ذكـــريـــات الطفـــولة !
بسم الله الرحمن الرحيم
السلام عليكم ورحمة الله وبركاته
حبيت اطرح موضوع اكيد انه عزيز عليكم كلكم وهي ذكريات الطفولة وبراءتها
واتمنى ان كل واحد يدخل يقول مواقف طفوليه حلوه واحلى شئ في الطفولة البراءة وعدم تحمل المسؤلية وضيق العالم محصور بدمية وفستان وحلوى
بس كبرنا بدت احزاننا
ياليت ان الزمن يرجع ورى وإلا اليالي تدور
ويرجع وقتنا الأول وننعم في بساطتنا
زمان اول احس انه زمان صادق وفيه شعور
نحب ونخلص النية وتجمعنا محبتنا
زمان مافيه لا غيبة ولا حتى نفاق وزور
ياليته بس يرجعنا ونسترجع طفولتنا
صغار قلوبنا بيضا ونعيش بعالم محصور
ولا نعرف ابد اغراب ماغير عيال حارتنا
صحيح صغار بالتفكير ولكن ما علينا قصور
نخطط نكسر العبة وتسعدنا شقاوتنا
نروح المدرسة بدري ونضحك داخل الطابور
نحاول نزعج العالم بروحتنا وجيتنا
وعشان نأخر الحصة نخبي علبة الطبشور
نشاغب بس بالأخر تميزنا براءتنا
نحب الضحك والهيصة نحب انط فوق السور
نفرفش ليه ما نفرفش مادام الضحك عادتنا
ولكن دارت الدنيا وبان الخافي المستور
وصار الهم متعلي على قمة سعادتنا
كبرنا وصارت الدنيا تصف احزاننا بالدور
وتهدينا الألم والهم غصب عن عين رغبتنا
تعبا من بلاوينا احد ضايق واحد مقهور
وكلن غارق بهمه وبالأخر تشتتنا
وانا ماقول غير الإياليت الزمان يدور
ويرجع للورى فترة نعدل وضع عيشتن
-----------------------------------
موقفي:frown:
وحبيت بها الأجواء المشحونة بنكد الحياة وروتين المشاغل اليومية نستطرد احلا ذكريات الطفولة
مرة وانا بأول ابتدائي
كان وقتها الأطفال يحبون يطلعون كذبات واشاعات وقالو ان القيامة بتثور وتقوم اليوم !!!!
انا انهارت اعصابي وقمت اصيح انا وزميلاتي والمشكلة ههههه انهم يقولون تقوم الساعة وحدة الظهر والله ماني ناسية
وللأسف عندنا ابله قاسية سألتها وقلت ابلا صحيح القيامة اليوم الساعة وحدة الظهر ضحكت بأستهتار
وقالت ايه
انا بكييييييييييييت احسب يصير زلزال هههههههههه وهي اكبر من الزلزال نسأل الله السلامة
لحد ما جانا بنات من المتوسط جزاهم الله خير وسكتونا وخبرونا انها كذبه ههههههههه 
عسا موقفي يعجبكم .
بس للأسف الصغير ماينسى انا للحين حاقدة ع البله ما اعتبرتني بنتها والله حرام المفروض تدرس شباب مو بنات واطفال بعد وهي للحين على قيد التعليم مديرة في احد المدارس لو بس الاقيها كان كفختها وكوفنتها تكوفن ههههه.
|