بسم الله الرحمن الرحيم
السلآم عليكم ورحمة الله وبركاتة
أنا عندي مشكله بعرضها من البدايه وأتمنى المساعده ...
بدت مشكلتي من سنتين تقريباً كنت مسافر على السياره مع اخوي وبعد ماطلعت من
الرياض بـ 50 كيلو تقريباً حسيت بضيق بالتنفس وقفت عند مركز اسعاف على الطريق من
حسن حظي كان قريب مني وشالني الاسعاف ورجعني لمستشفى بالرياض وسويت
فحوصات من تخطيط قلب وفحص دم وقالو سليم مافي اي شي ماتطمنت صراحه اليوم
الثاني رحت لمستفى كبير بالرياض وسويت نفس الفحوصات وقالو نفس الكلام (سليم)
احترت انا رحت لآكثر من شيخ ورقيت رقياء شرعيه وبعدها بـ 3 شهور تقريباً تغيرت
الاعراض اللي اعاني منها الاعراض اللي اعاني منها الآن : احس بضيق في التنفس
بعض الأحيان أحس بقرب الموت أحس أني راح اسقط على الارض عند الصلآه في
المسجد أو في مناسبه اجتماعيه .. وبديت انعزل انعزالي كان بالتدرج يعني انا اعيش
بمنطقه تبعد عن الرياض بـ 30 كيلو متر تقريباً في بدايه الازمه اللي جتني كنت مقدر
اسافر برى الرياض قعدت 3 شهور تقريباً بعدها معاد اقدر ابعد عن المنطقه اللي عايش
فيها يعني ان ابعدت 10 كيلو بالكثير بعد ماصرت اخرج من الحي كامل بعدها ماصرت
اقدر اتعدى البيت او الاستراحه فقط ولآ استطيع اذهب لمكان ثاني نهائياً انا عمري الان
23 سنه حتى الصلآه في المسجد لا أستطيع صرت اصلي في البيت أو الاستراحه
ولي فتره ابي اذهب لعياده نفسيه طبعاً اقرب عياده نفسيه تبعد حوالي 30 كيلو
من منزلي ولآ استطيع الابتعاد 3 كيلو من المنزل نهائياً حاولت حاولت لكن فشلت
أرجوووكم الحل لآتبخلون علي .. واسف على عدم ترتيب الموضوع لآن افكاري مشتته
ونفسيتي تعبانه اللي يبي اوضح له نقطه معينه يسالني وراح اوضحها .. واسف ع
الاطاله ...