عليكم السلام ورحمة الله وبركاته
اهلا وسهلا اخي لا يابن الحلال انت انسان مسلم وتقول لا اله الا الله كيف بالله تقول مثل هذا الكلام انتحار وشي من هذا القبيل لا ماتوصل لهادرجه وانا اخوك .
تعوذ دائم من الشيطان تراه يزين لك الفكره ولا تخليه يلعب فيك ويجرك معه للنار نعوذ بالله من النار
حاول تسترخي وتاخذ نفس وحاول قدر المستطاع وانا اخوك انك ماتجلس لحالك حاول تشغل نفسك بالاذكار
واحب اقولك شي ترى اكره مايكره الشيطان قول لا اله الا الله وكثرة الاستغفار حاول تكيده زي مايكيدك
واذا تبي تنثر مشاكلك انا مستعد اساعدك باللي اقدر عليه .
اسمعني زين ياخ حزن كل واحد هنا في هذا المنتدى من المرضى يحس انه اكثر واحد متضرر والله ثم والله وانا اخوك لو تشوف حال ناس ثانيه تهون عليك مصيبتك بس حاول لاتكون انطوائي .
حاول دائما ترسم البسمه على وجهك حتى لو انت متنكد علشان هرمونات الجسم تبدأ في الافراز وانبعاث التفاؤل في النفس لان الابتسامه تقضي على الاحزان ومثل ماقلت لك لاتجلس لحالك حاول تشغل نفسك مع اي ناس وبالنسبه للماضي لاتفكر فيه لانه الم والحاضر قول الحمد لله انك في صحه وعافيه غيرك يفتقدها ويمكن يحسدك عليها انت ماتدري سبحانه وحده تعالى اعلم بشؤون عباده وهو ادري بحالهم .
اذا وجدت الابواب موصده فباب الرحمن مفتوح لك بدون واصطه وبدون حجاب مابينك وبين رب العالمين الا ان تسجد وتشتكي همك له وهو القادر وحده على زوال الهم وابداله فرج وصدقني ماتضيق مره عليك الا وابتسم فاعلم ان فرج الله قريب .
اسأل الله العظيم ان يبدل حزنك سرور وفرح ويزيل همك وغمك ويفرج عليك ويفتح لك باب الرزق من حيث لاتعلم ويشفيك ويعافيك في بدنك وفي نفسك ويصلح شأنك ويعلي مكانتك ويرفع قدرك بين الناس .
وان شاء الله المره الجايه اسمع عنك اخبار زينه وحلوه