مستغربك كتير .......

عهدى بك انك قوية ...
وما تتركى عرضك لعبة .. ينهش فيه كل خسيس ...
ايه حكايتك ؟؟ مش قادر افهمك ...

ياترى بتدى فرصة ... ولا مستنية وقتك .. ولا مشغولة بحالك ...
ولا يا خوفى لتكونى ضعفتى ...
وتتركينا ملطشة لكل من هب ودب ...

قومى تانى واحنا وراك ...
وما هنترك الصغار يتنططوا الا على اجساد رفاتنا ...
قومى تانى .. وانفضى غبارك ...
واضربى واصفعى واجلدى ...
اى تافه يراوده فكره انه ينخر فى اساسك ...

الا يكفيك حبى ... الا يكفيك عمرى ... الا يكفيك دم ابنى اللى ارتوت به الصحارى ...

عودى كما عاهدناك يا مصر ...
عزة وكرامة وقلب دافى ...
يضمنا وقت الشدائد ...

عودى كما عاهدناك يا مصر ...
واوعدك ما اتركك وحيدة ...