نفساني - عرض مشاركة واحدة

30-04-2011, 11:45 PM

بسم الله

السلام عليكم

اتمنى اللي يرد على الموضوع يكون قراه بالكامل علشان يفهم حالتي

انا معاي وساوس بيوم القيامة والله كرهت حياتي

يعني اي شيء يحصل على طول اقول القيامة يعني مثلا يوم تجي مظاهرات على طول اقول القيامة بتقوم انا الوسواس لة معاي 6 سنين حتى خلاني اترك دراستي تركتها من يوم عمري 14 وانا عمري اللحين 17 حتى اني قبل اسبوع توظفت وضيفة حارس امن وماكملت فيها الى اسبوع وتركتها يعني يجيني تفكير انت لية تتوظف ولية تدرس القيامة بتقوم وانت ما انبسطت في حياتك مل الناس ولا راح تتزوج ولا راح تنبسط حتى اني فكرت اني بشتري خضروات وابيعها يعني اترزق الله اني تفكير كرهني فيها يعني يقلي انت وش تبي بالفلوس انت ماراح يمديك تنبسط ولا تفرح القيامة بتقوم وانت ماسويت شيء مع ان الدكتور قال لية انت قاوم هالأفكار التافهة وان القيامة لسة يقول الحمدالله الناس للحين ملتزمة بدينها والقران ما اختفى وللحين في كثير اماكن للتحفيظ وان المسيح الدجال باقي ماطلع واذا طلع بيجلس في الأرض مئة عام وانت ماتدري بتعيش لهالوقت ولا لا بس والله كرهت حياتي تجيني فكرة ان ممكن ان القران يختفي في اي لحظة وتقوم القيامة وانت مانبسطت في حياتك يعني يجيني تفكير لية اكسب فلوس ولية ادرس ولية اسوي واسوي القيامة بتقوم خلاص لاتسوي شيء حتى في هاذي اللحظة اتني فكرة خليني اقلكم الفكرة يعني
وانا اتصفح المنتدى شفت ناس امراض الله يشفيهم يعني مثلي على طول جاتني فكرة تقلي شوف الأمراض كثير يعني القيامة انا مقر اوصف لكم مرضي يعني اي شيء اشوفة مثلا شيء غريب شيء جديد او مثلا شيء يفرح ويفرحنا كلنا على طول اقول القيامة يعني حتى ماعاد اقدر انبسط حتى الشيء اللي يفرحني على طول اقول القيامة ولو اني الحمدالله ملتزم بصلاتي وديني وما افوت فرض والحمدالله
حتى اني والله من 6 سنين للحين اوانا كل اسبوع في يوم الأربعاء والخميس والجمعة هاذي الأيام تجيني فيها خوف قوي حتى جسمي يصير يرجف على طول تجيني فكرة ان القيامة الجمعة هاذي واذا مثلا في هاذي الأيام اللي حدتها جاء مطر او هواء او تقلب الجو او مظاهرات او اي شيء على طول اقول القيامة والناس في هاذي الأيام اللي حددتها فرحانة علشان عطلة واللي يطلع يتمشى وكل واحد عايش حياته وانا مثل المجنون بس اقول القيامة بتقوم لدرجة ان في يوم من الأيام يوم الخميس جاء مطر قوي وهواء وتقلب الجو بغيت اتجنن خلاص قلت القيامة الين اغمى علية من الخوف ولا يوم مظاهرات مصر على طول قلت القيامة والناس عايشة عايدي وانا مل المجنون يعني اي شيء يفرحني او شيء غريب او اي شيء على طول اقول القيامة يعني والله ماني قادر اوصفلكم حالتي

حالتي والله صعبة واحس اني في اي لحظة بصير مجنون حتى النوم بالقوة يجيني ولسة في غير وغير يعني كل مرضي يتعلق بيوم القيامة اي شيء اقول القيامة ماعاد اقدر انبسط ولا اسوي شيء ولا اقدر اسوي الشيء اللي نفسي فية حتى الأكل ماعاد اقدر اكل الى بالقوة شهيتي راحت وغير السلوكيات اللي اسويها كثيرة

واسف على الأطالة والله يشفيني ويشفي كل مريض واتمنى تشوفولي حل الحل عند الله مع ان الدكتور قالي لي مرضك بسيط وسواس قهري

وعلى فكرة انا اللحين استخدم دواء فافرين ودواء ثاني نسيت اسمة اعتقد زيبركس بس احس الدواء مافادني كثير

المصدر: نفساني