نفساني - عرض مشاركة واحدة - ساعدونى بجد .... خايفه أنتحر انا تعباااانه بجد

01-05-2011, 06:24 AM

ساعدونى بجد .... خايفه أنتحر انا تعباااانه بجد

السلام عليكم ورحمة الله وبركاته

ارجو الرد على مشكلتى بسرعه جدا الله يكرمكم
انا عندى 26 سنة اشعر انى عندى ازدواج فى الشخصيه لكن ليس فصام حقيقى لانى اعلم واشعر بكل شخصيه منهم
فعندى شخصيه كويسه مؤدبه ملتزمة منتقبه بفضل الله تحب الصلاه وتغض البصر وتتقى الله فى كل شيئ
وعندى شخصيه اخرى انسانه زباله تفعل كل شيئ سيئ يسوء للشخصيه الكويسه

احب كل شيئ و احب عكسه
احب الناس بسرعه وبعد فترة اكرههم بسرعه
احب شخص اليوم وان بدا يحبنى اكرهه ولكن طول ما هو لا يحبنى افضل احبه زياده

الدكتور قالى انى عندى بعض سمات الشخصيه الحديه
انا معترفه بكده
انا ارفض العلاج تماما ومش بوافق اخد اى برشام
وللاسف عنيده جدا وصعب اسمع الكلام
وكذلك صعب ان حد يفهمنى او يقدر يساعدنى ومش برضى اسمع كلام حد
لكن اوقات كتيرة بضعف جدا وبطلب انا العلاج والمساعده لكن للاسف فى الاول اسمع الكلام وبسرعه شديده ارجع تانى للعند وعدم سمع الكلام
عارفه ان دكتور تعب معايا جدا لكن انا محتاجه حل
اهلى يرفضون العلاج النفسي تماما لذلك بروح للدكتور من وراهم ويوم ما قولت لامى وراحت معايا راحت مرة ورفضت انى استمر فى العلاج علشان كده بتواصل مع دكتورى بالتليفون فقط

احب اذيه نفسى جداجداجدا
واحب انى اتوجع جدا
وللاسف انى بمارس احيانا العاده السريه بجنون واحب الالم جدا

عالعكس احيانا ببقى انسانه رقيقه جدا وابكى لو حد من اهلى جرحنى بكلمه ولو بسييطه

انا اعترف انى عنمدى اضطراب بالشخصيه
لكن الحل ااااااااااااااااايه ؟
انا مريضه بالسكر منذ 15 سنة
واوقات كتيرة طبعا ارفض علاج الانسولين خااالص
وعلى طول سكرى مرتفع جداجداجدا والله يصل ل 580
مش قادره انتظم على علاجى ولا احافظ على صحتى
ومعدش بعرف افكر خالص بشعر ان دماغى متجمده واحيانا اضرب راسي فى الحائط علشان احس انى عندى دماغ زى الناس
انا بعانى جدا وعايزه حل
تعبت والله تعبت جدا الحل ايه
احب اهلى بجنون ورغم كده بسببلهم مشاكل على طول
عندى احتياج شديد للزواج لكن مشكلتى انى لو تقدملى شاب وشعرت انه بيحبنى او مهتم بيا بكرهه جدا وبسيبه
لكن لما تقدملى شاب وهو اللى سابنى فضلت الح عليه بالاتصال والكلام وكنت بموت فيه
مش بعرف احب الانسان اللى يحبنى ابدا
انا فى صراع شديد مع نفسي

هل اللى عندى ده اكتئاب فقط هو اللى مغير تفكيرى كده ولا ايه بالظبط
بجانب طبعا عدم مقدرتى عالنوم خاااااااااااااااااااااالص ولما حتى ابقى تعبانه ومحتاجه انام افضل اظبط المنبه كل شويه علشان اقلق نفسي يعنى انا اللى رافضه النوم
اوقات ابقى مكتئبه جداجداجدا ومش عايزه اكلم حد خاااااالص وافضل ابكى ومرة واحده الاقى نفسي عايزه اتصل بصحابى ولو فى اى وقت حتى لو متاخر بالليل
وعايزه اخرج وبحس انى عندى حاجات كتيرة عايزه اعملها واحس بنشاط فظيع ولما اجى اقرر انى اعمل اى حاجه الاقى ان مفيش حاجه اعملها
بفضل فى حاله كويسه جدا عايزه اكلم صحابى العب اعمكل حاجات كتيرى اخرج اضحك اكل اشرب حاجات كتيرة
ومرة واحده كل ده ينعكس تماما

الدكتور حاول معايا كتير انى اخد برشام لكن برفض تماما وحاول انه يعطينى حقنه تساعدنى على انى اعترف له عن بعض الامور اللى مش بحب اتكلم عنها برضه برفض خالص
هى الحقن ديه هتخلينى ااقول حاجات من غير ما اشعر بيها او اتحكم فيها ؟
انا مش بحب ااقول حاجات كتيرة
بالنسبه للادويه جالى وجع فى معدتى فظيع وكان بيزداد كل ما اضايق والدكتور خلانى اخد دوجماتيل رفض فى الاول لكن من شده الوجع وافقت اخده لكن بعده 3 كبسولات اكتشفت انه بيعالج نفسيا زعلت من الدكتور ورفض اخده الدكتور وعدنى ان البرشام ده هيخلي معدتى كويسه وهتريحنى جدا
اخده لكن مستمرتش برضه عليه يعنى اخد 6 برشامات
من شهرين كنت مخنوقه قررت اخد ال 3 شرايط وفضلت احاول اخده لكن كان فيه حاجه بتمنعنى حبى لاهلى وخوفى عليهم وانى اسيبهم لوحدهم
روحت للدكتور العياده وطلبت ياخده منى ويرميه هو
لكن حاليا قررت اخده هل هو كويس فى حالتى ديه
انا عارفه انى برضه هاخد منه وحدتين وهبطله برضه
طيب لو كل فترة اخد 2 وبطلته تانى يعمل مفعول
يعنى كل ما اقدر على نفسى ينفعد اخده واول ما كرهه اسيبه

المصدر: نفساني