انا عايزه بس ااقولكم حاجه صغيره
انا اشعر ان اصعب شيئ فى المرض
انك تحتاج ان اللى حواليك يحسوا بيك ويقفوا بجانبك ويشجعوك عالعلاج
وتجد اقرب الناس اليك لا يشعروا بيك (أهلك)
ده حالى مع اهلى
انا من طبعى انى عنيده جدا ولا اتقبل العلاج الدوائى تماما
رغم انى عارفه انه ضرورى جدا لحالتى لكن بجد مش قادره على نفسي
كان نفسي اهلى يكونوا جانبي يساعدونى فى علاجى يتفقوا مع طبيبى على مساعدتى
يقنعونى بالعلاج يحاولوا معى واحده واحده انى اخده ولو حتى انى رفض يضعوه فى الطعام من غير معرفتى اى حاجه يعملوها بس يساعدونى على نفسي
لكن للاسف اهلى رافضين فكرة العلاج النفسي
ولما بطلب منهم كده يعتبرونى مجنونه
ولما عرفوا انى روحت من وراهم راحوا معايا مرة ورجعت امى قالتلى اخر مرة تروحى فيها لدكتور نفسي يعنى ايه تقعدى مع حد متعرفهوش وتحكيله مشاكلك
ابقى اقعدى مع اختك او مع اى حد اتكلمى معاه ولو حتى اقعدى مع نفسك
لما بقولهم انى تعبانه ومش قادره انام يقولولى بطلى شغل الجنان ده وادخلى نامى
امى مش قادره تحس بيا
انا لما بقعد مع طبيبي اشعر انه بيفهم مشكلتى من قبل ما اتكلم
وبيبقى جوايا حاجات مش عارفه اترجمها لكلام هو بيحولهالى فعلا لكلام وبيحلهالى
بجانب ان فيه حاجات فى حياتى مقدرش ابدا اقولها لاى حد فى الدنيا ديه كلها
منها غلطات فى حياتى عملتها
كل واحد مننا فى حياته فى اشياء ميقدرش يقولها لحد ابدا الطبيب النفسي بيسمعها وبيساعدنها فيها .... يبقى اكلم نفسي ازاى زى ما هم عايزين
انا فعلا جيه وقت عليا كنت بفضل اكلم نفسي
انا اشعر انى بقى عندى شخصيتين الكويسه والشخصية الزباله
واشعر ان هبه الكويسه ديه ضعيفه جدا وبيقدر عليها هبه الزباله
اللى مريحنى ان دكتورى طول ما هو معايا بحس ان هبه الكويسه هى القويه وبيقدر على هبه الزباله
طبعا انا عارفه انى مش عندى انفصام ولا ازدواج شخصيه انا فاهمه طبعا لكن ده حالى
اعمل ايه
انا فى عذاب
انا فعلا محتاجه اهلى معايا
انا حاليا اتابع مع دكتورى من وراهم وطبعا مش بقدر اروحله غير كل اسبوعين او تلاته
وبكلمه فى التليفون وطبعا التليفون مش زى الجلسه
كفايه خنقتى باحساسى بانى بعمل حاجه من ورا اهلى
ومشكلتى ان الدكتور بدا يتخنق من اتصالى الكتير لان بقى عندى الحاح فظيع عايزه اكلمه كل شويه كل شويه
وهو طبعا مش فاضيلى
هو عنده عياده بعد الظهر وبالليل
بجانب الصبح بيبقى فى الجامعه لانه دكتور جامعى
اعمل ايه