نفساني - عرض مشاركة واحدة

09-05-2011, 04:01 AM

السلام عليكم ورحمة الله وبركاته

احبتي واحبابي المصابين بالهلع اليكم معلومات مهمه جدا من جلساتي عند اخصائيه نفسيه بس اللي بيقرأ ومايطبق ماحايستفيد شئ >>>>تراني علمتكم

ــ اول حاجه لما تجلس تفكر فالنوبه وتخاف منها ,,,,,,,,ايش يصير فجسمك؟ تبدأ ماده تفرز فجسمك تبدأ تلف هالماده فجسمك واذا افرزت الماده هذي يزيد خوفك واذا زاد خوفك بتزيد تفرز وهكذا الى ان تجيك النوبه،،،، ومن هذا نستنتج ان النوبه هي فالاساس من صنع افكارك فمتى ماوقفت التفكير فالنوبه وقفت الماده عن الافراز واذا مافي افراز للماده هذي ماحايصير هلع اوكي
وانت جرب فكر فالنوبه واجلس خايف منها ،على طول تفرز الماده وبكذا تخاف وتجلس تفكر اكثر (انا بموت انابيصير فيني شئ ) وفكرت اكثر ،عالطول الماده بتزيد افراز وكذا بتخاف اكثر واكثر الى ان تجيك النوبه,,,,,,,,,, اما اذا جاتك افكار ومخاوف من الهلع وقف التفكير هذا ـــ اذا وقفت التفكير خلاص ماحايصير افراز للماده وماحايصير لك لاخوف ولاهلع وتمشي امورك تماام التمااام ـــ اوكي

قاعدة: نوبات الهلع هي من صنع افكارك متى ماوقفت التفكير حايوقف الهلع تلقائيا ،،يعني ماكو هلع
.................................................. ...............

وثاني شئ: مافيه شئ حايصير لك لاحادوخ ولاجنون ولامووت ولو كان بيصير لك هذ الشئ كان صار من اول نوبه (انت جربت النوبه وخفقان وحسيت بتموت وحسيت بتنجن وحسيت بدوخ صار لك شئ منها؟؟؟؟ كم مره جاتك النوبه عشره ـ عشرين اكثر هل صار لك شئ من هالمخاوف ـــــــ هي مجرد خوف يجيك من هذي الاشياء

.................................................. ........
ــ هذا شئ مفيد جدا جدا جدا للمصابين بالنوبات وهو
تمرين التنفس
تاخذ نفس من الانف والفم مغلق ثم تخرجه من الفم لازم يكون ببطء ماتسوي هالتمرين بسرعه

وتسوي هذا التمرين خمس مرات باليوم

1ــ تاخذ نفس من الانف والفم مغلق وتكتمه (5 ثواني) ثم تخرجه من الفم هذا 3 مرات باليوم وكل مره من الثلاث تسوي هذي العمليه خمس مرات

2ـ تاخذ نفس من الانف والفم مغلق طبعاوتكتمه (10ـ15 ثانيه) ثم تخرجه من الفم هذي 2باليوم وكل مره من هذي المرتين تسوي هذي العمليه خمس مرات

يعني كلها على بعضها خمس مرات في اليوم وكل مره منها تطبق الطريقه خمس مرات
بس هي: ثلاثه تكتم (5ثواني) ومرتين تكتم من (10ـ15 ثانيه)

فائدة تمرين التنفس

ـــ تطمين : يطمنك ويريح اعصابك

ـــ تنظيم الاكسجين فالدماغ : وهذا يريحك كثير

.................................................. .................................

العبارات الايجابية

هذي مهمه مره لان مخاوف وافكار الهلع عندنا فالعقل الباطن سنوات واحنا مترسخه عندنا افكار خاطئه بموت ،بدوخ ، روحي بتطلع
والآن احنا عارفين انه ماراح نموت ولاندوخ ولاروحنا بتطلع بس كمان بنخاف لان هذي الافكار عندنا مترسخه فالعقل الباطن وبهذي العبارات الايجابيه نكررها ونرددها عشان ترسخ فالعقل الباطن وتساعدنا على التخلص من النوبات

ــ انا قوي (قوية)

ـا نا مرتاح (مرتاحه)

ــ انا متفائل (متفائلة)

ــ انا هادي (انا هادية)

ــ انا قادر (قادرة) على ان اتخلص من الغباء

ــ انا قادر (قادرة) على ان اساعد نفسي على ان اتخلص من الخوف

هذي العبارات ثلاث مرات باليوم، مره من هذي الثلاث تكون امام المرايه ، ومره عند النوم ، ومره في اي وفت فاليوم

وكل مره من هذي الثلاث تردد هذي العبارات عشر مرات

صدقني وصدقيني بتفيدكم بس استمروا عليها وترااها ماهي صعبه

ملاحظه : هذي العبارات زادتني ثقه فنفسي مررره

.................................................. ....

وكمان شئ مفيد مره اذا جاتك النوبه قول لنفسك هذي العبارتين وكررها كثييييييييييير

1ـــ هذا شعور زائف ، وشعور غير حقيقي ، وشعور غير عقلاني وماراح استجيب له

2ـــ هذي فكره غبية وبإرداتي بأقاومها

مع تمنياتي لكم بالشفاء العاجل

لاتحرمونا من دعائكم

المصدر: نفساني