اشرقت الشمس

بيانات اضافيه [ + ]

رقم العضوية : 33205  تاريخ التسجيل :  02 2011  أخر زيارة : 29-05-2011 (03:45 PM)  المشاركات : 10 [ + ]  التقييم :  10

لوني المفضل : Cadetblue

انا ان شاء الله هروح لدكتور بس بعد امتحانات الاولادى
انا فعلا روحت لدكتور بس انا من محافظة تبعد عن القاهرة ساعتين ويغلب على محافظتى الطابع الاريافى وبالتالى الدكاترة على قدهم حالص
ولما حكيت للدكتور الاعراض ابتسم ولا فهم شئ وكتب لى علاج وخلاص
ودخلت ف دوامة اكتئاب حوالى شهر والله ما كنت بقوم من مكانى وبكاء شديد جدا
بس الحمد لله الاكتئاب اتحسن لكن الانية لا
عارفة يا فارسة ايه اللى مزعلنى
ان انا ف احلى فترات عمرى حاسه ان شبابى بيروح منى ومش عارفه اعمل ايه
وبتفرج على عامل النظافه واقول هو احسن منى واصلى ع النبى خوفا لاحسده
وعيالى صعبانين عليا اوى لدرجه ان ابنى وزنه نزل 5 كيلو من جزنه عليا
واللى مزعلنى برضو ان الناس تشوفك عادية جدا جدا
وانا بموووووووووووووت من جوا
والواحد بيخبى احساسه لان انا من بلد ارياف بيعتبروا فيها المريض النفسى مجنون ويجب اجتنابه ومش عارفه اقولك كان احساسى ايه وانا داخله عند الدكتور النفسى مع جوزى
الحمد لله الواحد لو قعد يحكى مش هيخلص
اكيد فيه حكمة مخفية علينا م المرض ده
كفاية انى قربت من ربنا اكتر

اول ما اروح للدكتور هاجى ابلغكم كل حاجة قالها
عسى ان ربنا يجعلنى سبب لشفاء حد
اسال الله العظيم رب العرش العظيم ان يشفينا اجمعين
قولو امييييييين