يا أنا يا أنت

بيانات اضافيه [ + ]

رقم العضوية : 34276  تاريخ التسجيل :  05 2011  أخر زيارة : 19-06-2011 (06:25 PM)  المشاركات : 1 [ + ]  التقييم :  10

لوني المفضل : Cadetblue

تبي ترتاح تعال هنا اقراء تجربتي خذ فكره وماتندم

السلام عليكم ورحمة الله وبركاتة
الحمدلله والصلاة والسلام على رسول الله أما بعد
ممكن الناس يقولون وش هالنك يا (( أنا يا أنت )) نك غريب صراحه قررت بعد مرور سنه ونصف من الوسواس والقهر اني اثبت نفسي على هالحياة يا أنا على هالحياة يالوسواس .
كتبت هالكلامات لاني مطلعها من صميم قلبي ,كلمات اتعبتني, كلمات على شان ارتاح واريح عمري واريح تفكيري , كلمات من شان الكل يعرف الحالة اللى مريت فيها , ابي الكل ما يطيح مثل هالطيحه اللى انا كنت فيها , ما ابي اخوي المسلم يذوق اللى ذقته , ما ابي احد يتألم , خلاص كافي الم , خلاص كافي تعب , خلاص خلاص وخلاص .
في تعبيري كلمات عن مشاعر ,حياة مريت بها حياة مره (( مع أن الحياة مره حلوه اذا تخلص من الوسواس )) انا اللى خليت حياتي كذا
ليش؟؟؟؟؟؟؟ ولماذا ؟؟؟ وكيف ؟؟؟
اولاً :- حرام اللي نسويه في أنفسنا إجهاد للنفس عدم راحه عدم استقرار يمر عيد ولا ارتاح فيه يجي مولود ولا افرح به ينجح اخوي ولا اعطيه بال توظفت ولا فرحت تخرجت من الجامعه ولا احتفلت راح رمضان ولا صمت زين راح العيد ولا عيدت مع المسلمين صيام الستة ايام من شوال فاتتني كلها خوف في خوف في خوف .
حرام اللي نسويه في أنفسنا حرام نتعب أعمارنا وأرواحنا حرام نقلق أهلنا حرام ما نفرح من حولنا , الله سبحانه وتعالى انعم علينا بنعمة الأسلام ليه نتكدر ليه نوسوس احنا مؤمنين بقضاء الله وقدره احنا متبعين لسنة نبيه .
ليش نخاف من المرض والموت ليش نخاف من كل شي ليش اخوي وابوي وزميلي ما يخافون مثلي , وش معنى انا , ليش يوم اشوف واحد مستانس بحياته ليش ما اكون انا مثله , يوم اشوف واحد متزوج وفرحان ليش ما اكون انا مثله , يوم اشوف واحد رزقه الله بمولود وسعيد ليش ما اكون انا مثله .
ليش الأفكار المأساويه , ليش التحطيم , ليش عدم الثقه فالنفس , ليش التذمر بالحياة , ليش التشاؤم , ليش اتعب مخي وتفكير, ليش اتعب عمري .
من كل هالتساؤلات قررت أكون او لا أكون , من هالنقاط اخذت عهد وميثاق على نفسي يا أنا اثبت نفسي واتعب اول الأيام وبعدها ارتاح ولا أدخل عالم مظلم , انا اللى فتحت بابه يا انا اكون بخير ونعمه ولا انا احول حياتي الى كدر وشقاء ونقمه .
والله والله والله العلي العظيم مرت عليه حالات لو تجي على واحد ليتجنن بس اقول الحمدلله على كل حال .
لدرجة ان جميع الكادر الطبي فالمستشفى عرفني , وعرفوا انا من , طبعاً الحاله بعدين بأذن الله اكتبها لكم كتجربه للأستفادة .
رمضان ما صمته مثل المسلمين , الناس نايمه ومرتاحه وانا راسي عفن وعورني من كثر التفكير, ولا فالأخير مافيني شي , واكذب الأطباء, عشرين مستشفى رحت له , جميع التحاليل سويتها ,مافي أشعه فالمستشفى الا زرتها ,مافي ابرة ولا غذايه الا دخلت جسمي , مافي مضاد حيوي الا اكلته, وسوست بالعربي وفالأخير اكتشفت انه وسواس , وبديت أعالج نفسي بنفسي لين شفيت بنسبه 99% الباقي 1% نوبات تجيني واتغلب عليها بس تكون فترتها من دقيقه وأقل .
اللى يبي الخطوات انا حاضر بس بشرط ويحلف انه يطبقها ويكافح عمره ولا يرجع لها ابد مهما كانت الظروف شوفوا يا شباب ويا صبايا لازم اول شهر من بداية فترة العلاج لازم تتعب وبعد شهر والله لترتاح اتعب شهر وارتاح ولا تتعب سنين , جهاد عمرك , جاهد نفسك , اقهر الشيطان, كلها من الشيطان اقهر الشيطان بالصلاة بالأستغفار أخر الليل صلي لك ثلاث ركعات واطلب الله يساعدك اطيل السجود وادعي ربك على ترك الوساوس , خلى لك ورد يومي من قراءة سورة البقرة لو صفحه ,أي شي يكون فيك من ضربات قلب ولا وخزات فالصدر ولا كتمه ولا غصه ولا تحس ان روحك تبي تخرج اعلم علم اليقين انها كلها كذب في كذب,,,, والله كذب كل هاذي منك انت يالمسوس كل هاذي منك انت حاول انك تقطع التفكير مره لا تفكر واذا فكرت فالمرض ولا الموت اطلع على طول غير مكانك روح عند اهلك اشغل نفسك هاذي نبذة فقط .
من هالتجارب ان شاء الله تتغلبون على الوسواس بنسبة 100% بس تتبعون خطوات العلاج وتكتبون يومياً لى وش صار معكم اللى يبي يكون معي الله يحيه .
حاولوا تحطون لكم حاجه قدامك عبارة اول صوره مكتوب عليا يا أنا ولا أنت يالوسواس ولا مكتوب عليها خليك إيجابي ولا مكتوب عليها كل هالتفاكير باطله وانا متكل على الله سبحانه ولا مكتوب خليك إجابي كثيره العباراة ان شاء الله نتطرق الى قصتي وبداتي مع المرض وكيف عشت معه وتعايشت وكيف تركته .
دمتم بحفظ الله ورعايته واشوفكم ان شاء الله على خير

اللهم يا أرحم الراحمين أرحم كل موسوس

المصدر: نفساني