|
دخيلكم يالربع ماحولي احد يشور علي غيركم هل ابلغ الشرطة؟
السلام عليكم ورحمة الله
ارجوكم يا إدارة انا في وضع لا أحسد عليه وابي المشورة من العالم تكفون لا تحذفون موضوعي وخلوه ولو ساعه
هذا المعرف مستعيره من راعيه الله يوفقه
يا شباب القصة بالمختصر انا عندي اخ معاق ذهنياً (مريض بالتوحد) عبارة عن رجل 30 سنه بعقل طفل عمرة ثلاث سنين
واليوم قمت من النوم واناظر في وجهه وأشوفة محمر كله دم تحت الجلد وعيونة ذابله تقول انه طالع من حادث سيارة
وأجي وأسئل امي إيش فيه الولد ! وترد علي أخوه مسكة علشان مايبغي ينام وقام خنقة علشان ينام غصب على قولها يعني مثل المصارعين علشان بدون مايحبس نفسة حتى يقطع الدم عن راسة ويغمى عليه
انا انصدمت وأخوي هذا لي تقدير كبير له لأني يا جماعه انا عاطل من ثلاث سنين وهو الي قايم بالبيت ومن فترة صارت مشاكل بينا وقل أدبه معي وانا اكبر منه وماعاد أكلمه وقلت بسيبة بحاله ولاني متعرض له تقدير للي يقوم به
لكن اليوم ماقدرت اسكت وجيت عنده وواجهته بالموضوع وليش كذا تسوي بإخوك المتخلف
رده كان ماعليك مني انا الي اصرف عليه واسوي الي ابغاه فيه ماسكت عليه ورديت عليه لا مايصير تسوي فيه كذا
وصارت مشادة بينا وطلع هو حامل في قلبه علي وطار علي بيمد يده علي ويقولي انا الله مايقدريقولي ايش اشوي (والعياذ بالله) انا الي اشتغل وانت قاعد والي ابييه اسوي وقام يحاول يخنقني مثل ما سوى بأخوة لكن ربي فكني من وانا اقوى منه وأقدر عليه بس والله اني ماسك نفسي وماأبي اغلط عليه وأذييه وفكونا الأهل وطلع من البيت ومتوعدني ينقم مني مثل المجنون....
الحين ياجماعه انا ودي ابلغ عنه الشرطة وأخليهم يتفاهمون معه حتى يعرف ان الله حق ويفكني من شره
هل اسوي هالشي يا جماعه بالله شوركم علي والله ماحولي أحد ينفعني
|