|
إلى د. رعد الغامدي أستشـــــارة؟؟
السلام عليكم دكتور ردود وإقتباسات وحوسة صارت خلطبيطة بس حلمك علي
1)
جيت أطمن عليكم ياآل نفساني كيف حالكم كلن بإسمه يارب أخبار تسر وكلكم بخير وبأفضل حال
وجيت كمان أقولكم إني الأسبوعين اللي فاتوا خفيت مرااااااا بنسبة كبيرة مع اتباع سياسة التطنيش وأنه يابنت ترا هذي وسوسة مو صدق
بس للأسف اليوم صارلي نكسه خربت كل التحسن اللي صار
رحت أعمل انترفيو عملت وطلعت ع أساس اخوي ينتظرني بس طلع رايح للبقاله شويه
استنيته برا دقايق وبعدين جا
وانا بالسيارة وحنا بالطريق حسيت بدووووخة وراسي ثقييييل يمكن من الشمس والإرهاق والمزاج المعفن لدرجة الكوب اللي بإيدي طاح مني
وبعدها بدا الرعب تسارع ضربات القلب ضيق تنفس حتى صوتي وانا أقول لاإله إلا الله صرت يالله أقول بصوت واطي مبحوح قلت بس هذا الإحتضار والموت جاني وطول ماأحنا بالسيارة وأخوي متروع بسبتي واانا أقول لاإله إلا الله وكأني أيقنت أن هذي موتي هذا يومي بروح وأتخيل شكلي وانا ميته ومايلي ذلك وووووو
روعت أخوي وأمي تو رقيت لها روعتها وكله بسببي
المشكلة أكثر من مرا على فترات متقطعة قبل لاتجيني حالة الخوف والوسوسة كانت تجيني دوخة بسيطة لما أروح مكان الصباح وأبذل مجهود وأطلع بالشمس بس ماكنت اتعاطى معاها بنفس السيناريو والخوف وأني خلاص بموت هذا يومي وبتطلع روحي زي اللي اليوم
وبشكل عام صرت أي شيء احسن فيه ضيق تنفس أي شيء حتى لو سخيف أقول شكلها روحي بتطلع وبموت وهاتك ياخوف وخفقات وضيق تنفس ونشفان ريق
ومايليها من حالة حزن وخوف تستمر أيام
لاحول ولا قوة إلا بالله
2
اقتباس:
بس ماأدري انتي تاخذي دوا والا لا؟ ترى نوبات الهلعبالصورة اللي وصفتيها تحتاج
علاج دوائي، وتختفي باذن الله مع الوقت
ربي يعافيكِ من كل مكروه
|
3
يسلمك ربي د. رعد وكل اللي هنا
لا ما آخذ أي أدوية ولا رحت لدكاترة لسا عندي موعد عند الدكتور عبدالله السبيعي ببداية شهر 7 هجري
وكنت أفكر ماروح قلت يمكن اخف من نفسي مع الوقت بس ماأقدر اصبر الحالة رجعتلي للمره الثانية من ساعة تقريبا ولحد الآن فيني خلاص ماعاد فيها لازم اليوم اروح لازم بس معرف لمين
حاسه بشيء ضاغط ع حلقي دوخه ضيق تنفس خفقان وسرعة نبض وقلبي حار وخووووف وراسي ثقيل
وانا سبق وكتبت حكايتي بالتفاصيل تشخصت منك او من أحد الأخوة العارفين على انها وسواوس الخوف من الموت مش هلع فماأعرف وشفييني بالظبط
دكتور رعد سؤال صححلي اعتقادي لو غلط
أنا لما اطلع مع أهلي نشوف أحيانا بعض المرضى النفسيين شفاهم الله في الطريق ويتكلموا كلام ويسوو حركات غريبه أنا عندي اعتقاد ويمكن شائع عند البعض أنه هم كانوا أصحاء وجالهم اكتاب أو وسواس وأخذوا ادويه وأدمنوها حتى صارلهم كذا
هذا اللي مرعبني من الأدوية لو رحت دكتور
والشيء الثاني اللي مخوفني يكون لهاالأدوية اعراض جانبيه غثيان دوخه نشفان ريق أنا بسرعة بخاف وبموت رعب يعني بدل مايكحلها الدواء يعميها
سبحان الله صليت الفجر نعست قريت اذكاري وتوي منسدحه
لكن خرب المود كله
أدعولي لي بالشفاء ابغى تروح الحالة
فرجك يارب لاإله الا الله اعوذ بالله من الشيطان الرجيم .
ياربي يجي اليوم اللي أقرا فيه ردودي وأضحك على حالي وأقول وش تحسين فيه معقولة أنا كتبت هذا الكلام ماهذا الكلام الفارغ والتفاهات .برضه معلش تعكيرة الجو الصباحي
|