! ساره !

بيانات اضافيه [ + ]

رقم العضوية : 33691  تاريخ التسجيل :  03 2011  أخر زيارة : 26-06-2011 (02:12 AM)  المشاركات : 12 [ + ]  التقييم :  10

لوني المفضل : Cadetblue

.. ( مشكـلـة أخـي ) .. أرجو المساعدة والإرشاد ,,

السلام عليكم ورحمة الله وبركاته

مشكلة أخي لا أعرف كيف أصفها .. طويلة جداً ومتشعبة .. لكني سأحاول أن أذكـر المهم .. وإن كان هناك تقصير في أي معلومة قد تحتاجونها فاسألوني ..

...

أخويا عمرو الآن 34 سنة .. مطلق.. عندو ولدين من طليقتو الي حأتكلم عنها .. طبعا أعتقد أن الطلاق سبب له هذه المشكلة فيما بعد .. كان يعاني من زوجته لمدة 4 سنوات وهيا تطلب منو الطلاق .. بعد كدا كبرت المشاكل بينهم وحصل ثالث طلاق بينهم .. المهم أخويا كان يحب زوجتو كتير عشان كدا أثّر عليه الطلاق وسار كأنو يبغى ينتقم .. تزوج مره ثانيه بشكل سريع من عائلة مانعرف عنهم شيء أبدا .. استمر زواجهم تقريبا مدة شهر ثم بدأت مشاكل كبيره بينهم بحكم اختلاف العادات بين العائلتين .. يعني زوجتو كانت تعمل حاجات عاداتنا ترفضها وكانت تضايق أخويا وتسببت بالمشاكل الطويله استمرت 4 أشهر سار خلالها 3 مرات طلاق .. وأنجبت طليقتو الثانية ولد ..

كل هذه المشاكل خلال سنة واحدة ..

طبعا مو هذي المشكلة .. هذا قد يفيد في معرفة حالته النفسية

المهم المشكلة الآن هي أن أخويا سار مدمن على الإنترنت الي كان مايعرف فيه شيء أبداً .. ودخوله في الأنترنت كلو على مواقع خاصة بالتعارف .. والماسنجر .. والسكايبي .. سار انسان غير .. كل همو يتعرف على بنت .. وسارو البنات بيستغلوه ويطلبو منه مبالغ مالية فقط عشان تشغل الكاميرا وتخليه يشوفها .. طبعا وجهها بمبلغ وجسمها بمبلغ ثاني .. وسار يحصلّو ان بنات بياخدو الفلوس ويمشو .. أهمل أولاده .. حتى صرفية مايصرفهم .. أبوي هو الي يصرف اولاده .. بالرغم انه موضف وضيفه كويسه .. إلا انو على طول ماعندو فلوس ..

الآن هوا يبغى يتزوج لكن ويطلب مني طلبات غريبه .. مره يبغاني أخطب لو وحدة من الشارع شافها وأعجبتو زي مايقول .. وكل مره وهو خاطب من ناس من غير تروي ولا تفكير .. والآن أنا خايفة عليه لآن في وحده في موقع تعارف عارضة عليه يتزوجها متعة مقابل مبلغ مادي كبير جداً .. فأنا خايفة من الشيء دا .. لآنو إحنا مسلمين وهـذا النوع من الزواج محرم .. وغير كدا كمان انو بيتفرج على أفلام إباحية ويصرف عليها أموال كثيره .. ويسمع للأغاني كثير .. ويدخن .. إلا انه يصلي وحاط لو ورد يومي من القرآن يقراه ...

علما ان أخويا عندو مشاكل غير كدا مع طليقتو الاولى الي مازالت تكلمو وتمنيه بأنها راح ترجع لو .. بس عشان يعطيها أولادها .. والآن اولاده واحد عندنا والثاني عند أمه .. أما ولده من طليقته الثانيه فهو عند أمه بحكم انها غير متزوجه وطفلها صغير .. اما طليقته الأولى فهي متزوجة الآن ..


كيف أقدر أخرج أخويا من عالم الانترنت ؟

المصدر: نفساني