ااااه
تعبت اليوم ..
اتخيلوا الاختبار لازم نكون الساعه 7 ونص في القاعه
و 8 يبداء الاختبار ..
..
انا كنت اذاكر الفجر، وتعبانه وخامله ومرهقه كثير
فخفت انو انام ،ووقت جوالي عشان احتياط بس لو نمت من غير
لا ادري!!.. واثاريني نمت وجات الساعه 8 وربع ..قالت منى الساعه 8 وربع
جلست اطالع فيها ،وشوي استوعب وانقلب حالي ،ولبست ع السريع ..
وجلس اخوي ساعه يشتغل بالسياره وماكنت عارفه ليش..وطلع بالاخير يفك
لوحة السياره خخخخ عشان الساهر !!!
كل شوي بنصدم من سرعته..كان خوفي عليه وبس وبتفس الوقت الاختبار فايتني
وبيتنا بعيد عن الجامعه :(
وصلت بعد ركض من مبنى لمبنى?
من قبو لدورر
وصلت للمشرفه الاجتماعيه(الله يهديها معروفه بعدم التفهم )
ماقدرت انطق حرف من كثر التعب حسيت بيغمى علي
وقلت لها عن الي حصل وانو بدخل الاختبار
تقولي (وش اسوي لك )!!!!!!!!
اذا انت ماتدرين اجل مين يدري ومين بيساعدني
ولا تراعي حالي ..فهمتني انو هالشي ذنبي وكأنها تقول دبري عمرك
وقالت مافيه فرصه اعاده وبتحملين الماده..ولا تقدرين
تدخلين الاختبار....يعني بدال ع الاقل تهديني تروح تزيدها علي
..
وانا عارفه انو غلطتي لكن برضو هالشي غصب عني !!
..
اخر شي باقي تقريبا نص ساعه ويخلص الاختبار
ودخلوني ،،لانو طلع انو اوراق التوقيع ماسلموها للطالبات
وضمنو انو محد غششني فدخلوني..بعد وقت وبعد ماتوافق الوكيله :(
..
ولما دخلت القاعه جلست تحقق معاي المراقبه :( ..ناقصه انا
ولا عندي وقت زياده..مع كذا ابتسمت لها ..!!!
والاختبار يبيله وقت ..ورفضوا يعطوني وقت زياده ..((كان معاي نص ساعه فقط))
?
ولاعرفت ابداء احل مرتبكه ويدي تررجف
وبديت بسم الله ..وحليت ..واقولها كم باقي
من القلق رافضه تعلمني تقول حلي :(
..
الاسئله صعبه
وطووويله نكتب ايساي كم صفحه <<كتبت 3صفحات
ونكتب برقراف صفحتين !!<<اهي طالبه كذا
وغير الاسئله الباقيه الصعبه :(
..
وربي حالتي حاله
كل من شافني قال وشفيك ،،وانا اقول ?
?ولا شي :)
ماسكه نفسي بالقوا من كثر التعب
حسيت مقدر اوقف يوم خلصت?
..
درجتي كانت اول بالشهري مرررررره كيسه ،،وان شاءالله هالشي يساعدني واقدر اعدي
والله اكتب واكتب بس مدري صح ولا لا
لانو ماعاد اقدر اركز
....
هههه امي شافتني وبكت !
..
الله لايحطكم بنفس اللي صار لي..