ابتلاء

بيانات اضافيه [ + ]

رقم العضوية : 34524  تاريخ التسجيل :  06 2011  أخر زيارة : 28-12-2014 (02:28 AM)  المشاركات : 11 [ + ]  التقييم :  10

لوني المفضل : Cadetblue

السلام عليكم

من وين أبدأ ؟ بصراحه ما ادري
انا بنت عمري 25 سنه .. من أيام الثانوي تقريبا من 10 سنوات تعرضت فجأه لقلق وخوف ووسواس .. أكلت حبوب سيروكسات وبعد سنه تقريبا استقرت حالتي لكن كان لابد من بعض المنغصات .

وللتخلص من حبوب السيروكسات تناولت البروزاك .. وقبل سنه تقريباً تركت العلاج تدريجياً

كنت بنسبه كبيره سليمه .. لكن اذا سافرت اخاف والسبب ؟؟ ما ادري .. خوف من فكرة انه ممكن بتعب ممكن بتجيني حالة خوف قويه ممكن ممكن ممكن .. انتظر بس متى نرجع البيت

قبل خمس شهور انكست حالتي ( بعد 8 شهور تقريبا لتركي البروزاك ) .. ولا تسألني وش احس فيه الحين !!

خوف شديد .. أفكار غريبه .. أسأل نفسي من أنا ؟ ووش كنت قبل ؟ ووش انجازاتي ؟ كيف ينظرون لي الناس ؟ رافضه رفض شبه نهائي للزواج .. أنا اتزوج ؟ شلللللللون ؟ شللللون ؟ وش بسوي ؟ كيف بسافر شهر العسل ( خووووووف ) .. ما اتخيل نفسي بعد خمس سنوات مثلاً .. أحس اني ما أصلح لشي .. أتمنى تنتهي الحياة ولا أضطر اني اخوض استحقاقات ما اقدر عليها .. أنا أصير أم ؟؟ ياربي .. أسأل اختي تتخيليني اتزوج ؟ احس انهم مايشوفوني اصلح لهالشي.


خايفه من فكرة الزواج مره .. أنا موظفه من سنتين .. مع هالتعب صرت افكر انا موظفه ؟ احس بأي لحظه بترك الوظيفه .. معقوله انا موظفه ؟ .


أحس السعاده صععععععععععبه .. ودي تقوم القيامه وننتهي من هالحياة ..
احيانا أصحى من النوم بخوف ورعشه تستمر فتره وتنتهي وارجع انام.

هالفتره افكر كثير وش بسوي لو انخطبت .. وكيف بتحمل فترة الخطوبه .. عندي قناعه اني بتعب أكثر .. وبفضح أهلي وممكن يجيني صرع وووو ( مع اني مافيني صرع بس دايم احس بهالاحساس )


كيف بتحمل ليلة الزواج .. كيف بتصرف مع زوجي .. المشكله ما اقدر ارفض الزواج لأن عمري صار 25 والاستحقاق لابد يتم !





لما انتكست حالتي رجعت للدكتور ووصف لي السيبراليكس واستمريت شهرين على نصف حبه لكن الحاله تسوء وقالي الدكتور العلاج ما ناسبك ونصحني بالسيروكسات لكني رفضته ( صعب تركه صعب صعب ) واخيرا استقرينا على البروزاك .. حبه الظهر .. مع حبتين دقماتيل وحده الظهر ووحده قبل النوم.


أبي أعرف وش حالتي .. وش تسمى بالضبط ! وهل البروزاك يصلح بالحمل ؟ < افكر ببعدين ! .. وهل البروزاك اساسا يعالج اللي احس فيه ؟ لأني جربت السبرالكس ومانفع ولا اتمنى ابدا اني ارجع للسيروكسات !!


الله يجزاك خير .. معليش كلامي مخربط بس عطني من وقتك الله يخليك ويفرج همك