توهان

بيانات اضافيه [ + ]

رقم العضوية : 34594  تاريخ التسجيل :  06 2011  أخر زيارة : 14-09-2011 (05:34 PM)  المشاركات : 38 [ + ]  التقييم :  10

لوني المفضل : Cadetblue

انامعاكم معاكم معاكم وبقوه لأني تعبت وابي اعيش طبيعي
اولا عندي مشكله من ضيق النفس ورحت لكذا دكتور وقالوا لي ماعندك مشاكل بالتنفس
بس لقلة الفتمينات يصير عندي ضيق نفس
صرت ما امشي الا بالبخاخ وبرضوا اخاف صار مررره جاتني ضيقه ورحت للمستشفى وعطوني اكسجين ويالله
رجع النفس ومن بعدها حتى المستشفى ما قمت احس بالاطمئنان
قبل كنت احس بالاطمئنان اذا صرت قريبه من اي مستشفى
يعني لو جات لي الضيقه المستشفى قريب وبيعطوني اكسجين بس بعد اللي صار ما قمت احس بالامان
واخاف اروح لأي مكان او ازور صديقاتي اذا كان بيتهم بعيد عن المستشفى
حتى السوق ما قمت اروح له بسبب كم مره اروح وتجي لي ضيقه
الله يبعد عنكم الضيقه ..لو هو وجع بطن او رجل كان اهون ... الضيقه لجات احس ان النفسراح ينقطع بدقيقه
طبعا هذي مشكلتي سابقا وللحين وازيد عليها
المشكله اللي ارقت حياتي بالفعل وكرهتني زود
انا من سنه اكلت وجبه ثقيله ونمت وقمت واحس كنه شي جالس على صدري حاولت ارجع ما قدرت
تخيل لي اني راااح اموت ساعتها من الضيقه اللي بصدري ويالله راحت الضيقه ومن عقبها كرهت الاكل
وصرت اذا باكل وجبه رئيسيه اروح بعد كم ساعه احط اصابعي عشان ارجع الاكل
وبعدين حملت وزاد الطين بله صرت اتوحم واي شي اكله لو بسكوت ناشف اروح ارجعه
كان وزني 62 والحين تخيلوا صار 40 قبل كان جسمي حلو ومربرب والحين صرت عصقوله واحس انه جمالي راح
هذا غير تعليقات زوجي اني صرت مو حلوه مع العصقله
انا مو هامني اسمن والا انحف انا همي اكل طبيعي
لاتقولون شي سهل
لأن لي سنه وشهرين وانا على هل الحال رحت لدكتور نفسي وعطاني حبوب بروزاك وقال خلي احد يمنعك
تروحين ترجعين بس محد قادر علي
ورحت لدكتوره باطنيه واعطتني حبوب تهضم الاكل بسرعه وفيتامين وقالت خلي احد يمنعك ... وسوت لي تصوير وتحاليل وقالت لي سليمه بس هذا نفسي خلي احد يمنعك
وزوجي مو مهتم انه يمنعني يقول انتي مو بزر وتعرفين مصلحة نفسك
واهلي مو عندي ساكنين بمنطقه ثانيه وما اقدر اروح لهم
حاولت امنع نفسي بس الخوف والخوف والخوف الشديد يخليني اتراجع
قبل كنت اخلي الاكل كم ساعه الحين مباشره بعد الاكل اروح ارجعه
والله خايفه اجيب لنفسي مرض بالمعده ما ينتعالج
والله تعبت تعبت
ارجوكم ساعدوني
حاولت القى حل ودورت علاج سلوكي بس ماعرفت له

ساعدوني والله لأدعي لكم من قلب ابي اقهر عدويني واطيب
هذا غير اني ارضع وولدي له شهرين بس ما قام يصير له حليب قمت اعطيه صناعي على طول يعني ما ارضعه الا مره مرتين باليوم
ارجوكم ساعدووووني والله لأدعي للي يساعدني