نفساني - عرض مشاركة واحدة - للقضاء على الهلع : و تتم الرحلة في عيادة الدكتور رعد

13-06-2011, 05:07 PM

اقتباس:

المشاركة الأصلية كتبت بواسطة توهان

انامعاكم معاكم معاكم وبقوه لأني تعبت وابي اعيش طبيعي
اولا عندي مشكله من ضيق النفس ورحت لكذا دكتور وقالوا لي ماعندك مشاكل بالتنفس
بس لقلة الفتمينات يصير عندي ضيق نفس
صرت ما امشي الا بالبخاخ وبرضوا اخاف صار مررره جاتني ضيقه ورحت للمستشفى وعطوني اكسجين ويالله
رجع النفس ومن بعدها حتى المستشفى ما قمت احس بالاطمئنان
قبل كنت احس بالاطمئنان اذا صرت قريبه من اي مستشفى
يعني لو جات لي الضيقه المستشفى قريب وبيعطوني اكسجين بس بعد اللي صار ما قمت احس بالامان
واخاف اروح لأي مكان او ازور صديقاتي اذا كان بيتهم بعيد عن المستشفى
حتى السوق ما قمت اروح له بسبب كم مره اروح وتجي لي ضيقه
الله يبعد عنكم الضيقه ..لو هو وجع بطن او رجل كان اهون ... الضيقه لجات احس ان النفسراح ينقطع بدقيقه
طبعا هذي مشكلتي سابقا وللحين وازيد عليها
المشكله اللي ارقت حياتي بالفعل وكرهتني زود
انا من سنه اكلت وجبه ثقيله ونمت وقمت واحس كنه شي جالس على صدري حاولت ارجع ما قدرت
تخيل لي اني راااح اموت ساعتها من الضيقه اللي بصدري ويالله راحت الضيقه ومن عقبها كرهت الاكل
وصرت اذا باكل وجبه رئيسيه اروح بعد كم ساعه احط اصابعي عشان ارجع الاكل
وبعدين حملت وزاد الطين بله صرت اتوحم واي شي اكله لو بسكوت ناشف اروح ارجعه
كان وزني 62 والحين تخيلوا صار 40 قبل كان جسمي حلو ومربرب والحين صرت عصقوله واحس انه جمالي راح
هذا غير تعليقات زوجي اني صرت مو حلوه مع العصقله
انا مو هامني اسمن والا انحف انا همي اكل طبيعي
لاتقولون شي سهل
لأن لي سنه وشهرين وانا على هل الحال رحت لدكتور نفسي وعطاني حبوب بروزاك وقال خلي احد يمنعك
تروحين ترجعين بس محد قادر علي
ورحت لدكتوره باطنيه واعطتني حبوب تهضم الاكل بسرعه وفيتامين وقالت خلي احد يمنعك ... وسوت لي تصوير وتحاليل وقالت لي سليمه بس هذا نفسي خلي احد يمنعك
وزوجي مو مهتم انه يمنعني يقول انتي مو بزر وتعرفين مصلحة نفسك
واهلي مو عندي ساكنين بمنطقه ثانيه وما اقدر اروح لهم
حاولت امنع نفسي بس الخوف والخوف والخوف الشديد يخليني اتراجع
قبل كنت اخلي الاكل كم ساعه الحين مباشره بعد الاكل اروح ارجعه
والله خايفه اجيب لنفسي مرض بالمعده ما ينتعالج
والله تعبت تعبت
ارجوكم ساعدوني
حاولت القى حل ودورت علاج سلوكي بس ماعرفت له

ساعدوني والله لأدعي لكم من قلب ابي اقهر عدويني واطيب
هذا غير اني ارضع وولدي له شهرين بس ما قام يصير له حليب قمت اعطيه صناعي على طول يعني ما ارضعه الا مره مرتين باليوم
ارجوكم ساعدووووني والله لأدعي للي يساعدني

اختي توهان:

لا أعتقد ان مشكلتك هي نوبات هلع

حتى البداية والتي كنتِ تشعرين فيها بانقطاع النفس لا تكفي لوصف الهلع

اذا لم يكن هناك تسارع في ضربات القلب وشعور باقتراب الاغماء وخوف شديد

وارتعاش وربما جفاف بالفم.

والمهم هو الآن، فالمشكلة الآن متعلقة بالوزن والأكل والاستفراغ

وهناك حالة نفسية معروفة اسمها فقدان الشهية العصبي anorexia nervosa

وأخرى اسمها فرط الاكل العصبي bolemia nervosa

وبصراحة لا ينطبق عليك هذه ولا تلك

ولكن عندك وسوسة متعلقة بالخوف على الصحة وهي السبب

وما تعانين منه اعتقد انه وسواس

لا أنصحك بالبروزاك لأنه يسد الشهية عند كثيرين، ولكن دواء مثل انافرانيل

(او اميتريبتالين) قد يناسب حالتك، فهو مضاد للوسواس وللمخاوف وله مفعول

فاتح للشهية.

مادمتي ترضعين فأنصحك بأنافرانيل 25 ملجم مساءا يوميا مدة اسبوعين

ثم ارفعي الجرعة الى 50 ملجم يوميا مساءا مدة اسبوعين

وتابعي معي وأخبريني عن اي مستجدات

واحرصي ان لا ترضعي الطفل خلال الثلاث ساعات الاولى من بعد اخذ الدواء