بالنسبه لي
عندي الاكتئاب يروح ويجي
بالنسبه للسبب, فيه اسباب كثيره ولو اني كنت استغرب لانه كثير يمرون بنفس ظروفي وممكن اخس ولا يصير لهم شي
وانا صغيره كنت اتعلق بالناس وهذا اشوفه مرض لاني كل ماتعرفت على احد اتعلق فيه بس ظروف الحياه ساعات تجبر الاشخاص انهم يتركون بعض بس اقعد سنوات افكر فيهم واحاول اتواصل معاهم واحلم بهم. وكمان الحساسيه الزايدة واتنازل عن كل شي عشان الناس واهتم بالناس اكثر من نفسي واذا قدرت اسعدهم او شفتهم مبسوطين كنت افرح مايهم كيف انا حالتي وقتها ( من جد غباء ) من وانا بزره عمري كم سنة امي كانت تقول كنتي كل العابك تعطينها الورعان. هذا بالنسبه لشخصيتي.

بدا الاكتئاب قبل 8 سنوات وعمري 16 سنة تقريبا وزاد بشكل كبير يوم دخلت الجامعه لانه وقتها تعب علي القولون وجاتني امراض ثانيه كلها ورى بعض, زي مثلا انشل فكي كم اسبوع وبعدها قعدت شهر مااقدر امشي والغده الدرقية ثارت علي واجريت كم عمليه وكلها فشلت وكنت كل الاكل ارجعه بالاضافه للاحلام والكوابيس وكانت تجيني هزات قوية زي الصرع وغيرها كثير المهم صرت طريحة الفراش طبعا بسبب كل البلاوي والامراض نحفت وشكلي تغير وشعري كله تساقط وهذي الطامه الكبرى لانه ربي انعم علي بنعمة الجمال بس بعد هذا كله تغيرت 180 درجة والبنات اللي يغارون مني طاحو تريقة وحش فيني وجاني انهيار وصدمة واكتئبت اكثر.

وزاده علي بسبب علاقاتي مع صاحباتي في الجامعه بسبب شخصيتي كنت اذكر كل المشاريع كانت فوق راسي واشتغل عن البنات وايام الاختبارات اشتغل مدرسة كل وحده تدق علي وانا اشرح لها, امي كانت تقول لي ذاكري بعدين اشرحي لصاحباتك بس قلبي ماكان يطاوعني ومااقدر اركز وانا اذاكر, لااا و اخصائيه اجتماعيه كانو يدقون علي ويشكون وانا احاول اساعدهم مع اني تعبانه في نفسي. استغفر الله من جد الله لا يبلانا اذكر ماكنت اقول لا. كنت ماااحب ازعل احد ابداا ودايما اقعد ابرر تصرفاتي للناس حتى لو كانت صح شي طبيعي راح اواجه ناس يستغلوني وطبعا ياكثرهم .عموما هي بسبب شخصيتي يعني حلو الواحد يهتم بالناس ويساعدهم بس بحدود.

وبسبب الامراض اللي جاتني واحس الامراض هي اللي اثرت علي اكثر لاني طموحة والدراسة من صغري كانت عندي اهم من كل شي ومرضي سبب لي صدمة لاني ماني قادرة احقق اللي ابغاه وكمااااان لما تعبت ومرضت كل الناس تركوني وحتى اسلوبهم تغير معاي لاني مريضه يعني يااما يشفقون علي ويشوفوني مسكينه او يتريقون وهذا كمل الناقص يعني اللي كنت اساعدهم ومااقصر معاهم دارو ظهرهم يوم شافوني مريضه المهم محد بقى لي الا امي وابوي بس

الان لي سنة من يوم ما تخرجت وماني قادرة اكمل ماجستير وهو حلمي وللان مادورت على وظيفة
( شخصيتي + الامرااض الكثيرة + نحفي + الاحلام) .. لو هذي تخلصت منها متاكده اني ارجع زي اول
شخصيتي وقدرت اغيرها تغيير جذري, معد صرت زي قبل بالعكس صارت شخصيتي قوية جداا ومااسكت عن حقي ولا اخلي احد يغلط علي واوقفه عند حدة
بصراحة مره ارتحت ومعد تجيني مشاكل زي اول <<< احس شرانيه P:
لكن الباقية ماقدرت اغيرها بالذات نحفي وشكلي عشان كذا للان مكتئبة
للان كل يوم اقول يارب من جد ماكنت داريه ولا حاسه بالنعمه اللي كنت فيها!!!
الحمدلله على كل شي
وعسى ان تكرهو شيئا و هو خير لكم