نفساني - عرض مشاركة واحدة

18-06-2011, 12:33 AM

السلام عليكم

كيف حالك اخوي عمران ؟ طيب ان شاء الله
بغيت استشيرك بشي

قبل كم يوم كنا نسولف انا وزملائي بالدوام ومن بينهم
البنت اللي متضايقه منها سألني زميل لي بالدوام
قالي فلانه هل تساعدك بالعمل ؟ قلته بمعنى لا
وفعلا اهي ما تساعدني الا نادرا جدااا طبعا سمعت البنت
كلامي وعصبت ومن ملامح وجهها حسيت انها راح تنتقم
وفعلا بعدها بدقائق وقدامي دخلت غرفه ثانيه مع زميله لنا بالدوام
وتكلموا حوالي 10 او ربع ساعه انا اعرف طبعها كوويس وطريقه
تعاملها مع الموظفين قبلي ..

وفجأة طلعت من الغرفه اهي والبنت وجات شكلها بما يوحي معصبه
وقالي هاتي اساعدك انا ارويك تقولي ما اسااعدك؟
واخذت ترمي الملفات على طاولتي بقوة واكثر من ملف
حتى انا خفت منها بصراحه وطريقه تعاملها وقلت بنفسي
هاذي مهي بصاحيه اكيد مجنونه لان طريقه تعاملها معي
بصراحه كانت توحي بهذا الشي ..
هنا لحظتها انا تضاايقت وبعد دقايق قعدت استريح شوي لاني
انا طول اليوم اشتغل وما ارتاح الا ثواني بس شافتني
كذا قاعده قالت لي تعالي ساعدينا استغربت كيف تطلب
اساعدهاا واهي تعرف اني تعبانه بالدوام هنا تضااااايقت اكثر
وتكدررت وحتى لحظتها كانت الدموع بعيني الا كتمت الدمعه
واهي حزتها لاحظت .. وسكتت عني

ثاني يوم دوام قررت ما اروح لان نفسيتي كانت صفر وعرفت
انها راح تنتقم وعرفت بعد انها شنت الحرب علي بصراحه لو اقولك عن سواليفها
ما تخلص واهي ادركت انها من شياطين الانس فعلا اهي من شياطين الانس لانها تحفر لهذا ولذاك ولها وجهين وجه تبتسم لك وتسولف معك عادي ووجه اخر يحش فيك اضافه انها احسها جلدها يتغير حسب المصلحة والعياذ بالله انا احس اني مظلومه واهي اظلمتني كثير ..

ثالث يوم داومت وطلبت نقل وقالي السكرتير فكري ولا تتسرعي
وسألني عن السبب ما خبرته لان لو خبرته راح تكبر المسأله
وراح يكون فيها تحريف بالكلام وانا طبعا حزتها راح اكون بخبر كان
لان حتى السكرتير متضامن معها ويهمه مصلحته وبس
فما خبرته ليه انا ابي انقل وانا فعلا ابي انقل لاني متضايقه من تصرفاتها معي
وحتى زميلاتي بالعمل تغيروا علي وشوف ايش خبرتهم ومن كذا تغيروا
لدرجه انهم ما يتكلمون معي ويضحكوا لوحدهم على صوب وما اعرف ع ايش يضحكوا
هذا غير الاشارات الغير مفهومه بين بعضهم البعض ..
المهم السكرتير خبر المسؤل اني ابي انقل لقسم ثاني وناداني المسؤال وكان طيب جداا وقال في احد مضايقك وليه تبي النقل ؟ هم ما قدرت اقوله لاني لو قلته
كنت جنيت على نفسي وسويت لنفسي مشكله ..
لان انا لو قلت له سبب نقلي عادي جدااا يتحرف كلامي ويزيدوا عليه ويقولو كلام انا ما قلته وبعدها يكون جنيت على نفسي ..

كنت لاخر لحظه مصممه اني انقل بس خبرني النقل مو زين وقالي يمكن تروحي مكان ما يعجبك او ما ترتاحي لزملائك الجدد او او ونصحني بهاذي النصيحه ..
فهذا خلاني اتردد وقالي فكري وقلته بفكر وان شاء الله خير اضافه ان قالوا لي انو راح يجيبو موظفه جديده عشان تساعدني بالشغل فهذا الشي بعد خلاني اتردد وانا الحين مترددة ومش عارفه اخاف اظل واتضايق اكثر من هاذي البنت او توقعني بمشكله زي ما وقعت موظف قبلي بمشكله ومزقت اوراق قدام عيني ورمتهم بالزبالة واتهمته انه يخبي الاوراق اللي مزقتهم بمكتبه .. لكن الحمد الله عدى هالشي على خير ..

واخاف انقل ويطلع القسم الجديد مو زين زي ما نصحني المسؤل ..

ايش رايك اخوي عمران والسموحه على الاطالة ..