نفساني - عرض مشاركة واحدة

18-06-2011, 07:02 PM

صراحه اهنئك على هذا الموضوع اللي بيرفع المعنويات عند الشباب

وانا قصي كالتالي :

يوم من الايام ... واذكر انه يوم اختبار القدرات ... صحيت من النوم , وفجأة احس اني مب طبيعي ... احس اني احلم ... راسي تثقييل ... وما اقدر افكر ولا اتذكر شي !!

قلت عادي يا رجال تعب من قلة النوم ... ورجعت من الاختبار اللي كان يوم الثلاثاء... وكملت حياتي طبيعية الى يوم السبت ... يوم السبت رحت داومت في المدرسة ... وشوي احس انه بيغمى علي !! قمت مسكت في زميلي اللي جنبي ... وقلت له ... احس اني دايخ !! قلي يمكن تعبان من قلة النوم !!

المهم وكملت الدرس ... وحالتي تزداد سوء ... وشوي وبدأ الخوف في داخلي يظهر ...

المهم استأذنت من المدرسة ... وبدال ما اروح البيت , رحت لـ المستشفى ... وحالتي تزداد سوء ... وقاعد اقول لـ راعي الليموزين ... انا يموت خلاص ... ادعيلي بالمغفرة , والرجال ما قصر قاعد يطبطب علي ويقول مافيك الا كل خير ان شا الله

المهم دخلت المستشفى ... ومني عارف اقول ايش لـ الدكتور... اقله عندي اختلال انية ... ولا نوبات هلع ... ولا ايش بالضبط... وانا اساساً ما اعرف ايش فيني

المهم وبعد معاناة في قسم الطوارئ عشان حضرة الدكتور يكشف علي ...حولني لـ العيادات الخارجيه ... وقلي عند التهاب في الصدر ... ويمكن عند نقص في الحديد او او او ...

المهم اناارتحت شوي ورجعت البيت فرحان ... وسحبتها نومة ...

المهم قمت بالليل ... وآآآه يا اني اتعذبت :( الحمد لله على كل حال

قمت من النوم وانا خايف ومني عارف اتصرف !! اقول انا ايش فيني ... لو كان هذا مرض كان بان ... او او او

المهم قلت لـ الوالده ... وياليتني ما قلت لها ~~ سارت تفكر فيني ليل نهار ... وانا الحين سرت خايف عليها -_-

وبديت اوسوس ... واتصلت على الشيوخ ... وجلست افرفر في الانترنت ومني عارف ايش اسوي الخوف بيقتلني ...

وسبحان الله الكريم ... لقيت هذا المنتدى الذي كان له الفضل بعد الله في تقوية عزيمتي ومعرفة ما بي من عله

وبعد ما قريت مواضيع الاخوان ... عرفت وش فيني بالضبط ...!!

وتوتة توتة وخلصت الحتوتة ... واعذروني على الاطالة ... بس احب اطقطق على الكي بورد كثير <<< فايق ورايق

واسأل الله لنا ولكم الشفاء العاجل بأذنه تعالى