حي الرجال اللي لهم فعل بالطيب
أهل الكرم والطيب وأهل الشهامة
اللي تخاف الله وتدرى من العيب
وتدرى من الزلة وتدرى الملامـة
مثل الصقور معكفـات المخاليـب
دايم تعلى فـوق روس العدامـة
لا جوهم الضيفان يلقون ترحيـب
ولضيوفهـم يقدمـون الكـرامـة
نعم الرجال اللي تعرف المواجيب
يلقى المعزة ضيفهـم واحترامـه
لا جاهم المحتاج خالي من الجيب
يدعي لهم من طيبهـم بالسلامـة
في قربهم تبرى الجروح المعاطيب
وفي شورهم ما تغتشيك الندامـة
خذوا من الدنيا دروس وتجاريـب
مجنين اهـل الـرداء والرخامـة