شيله صرخه صنهاااااااااات

]عسى الله يزينها مع الوقت وتزين
ويصير عقب الضيق فيها .......إنفراجه
لاضكتك دنياك تدري على وين =
افزع لربك تالي الليل........ ناجه
في ساعة(ن) فيها المخاليق ممسين=
كثيرهم مرتاح خالي ..مزاجه
وتكون من اللي ساهر همه الدين=
يرجي من المعبود مقضاة ...حاجه
بسأل ولي العرش لاجل المساكين=
حرموا قراح الما وشربوا هماجه
يالله نشكي لك جنود الشياطين=
مواجهين الخير واهله.. مواجه
شفنا العجب في وقتنا شوفة العين=
أمور(ن) العاقل تزيد انزعاجه
اللي مشا في الخير ضده قوانين=
كلن رفض يرفع نصوص احتجاجه
لا حان وقت ولج صوت المواذين=
العسكري ماتم فيهم ادراجه
ممنوع لا يقدم صفوف المصلين =
وعن رقية المحتاج يمنع علاجه
وان كان هولاعب عطوه الملايين=
مانحسده خله وفلة حجاجه
مفرغ(ن) ماشي وسط الميادين =
إلا في ميدان الرياضه رواجه
وش اللذي تحتاج الامه من اثنين =
من هو اللذي منفوع الامه نتاجه
يقوله اللي دمعته فوق خدين =
حتى على اللحيه تسيل وتواجه
حزن(ن) على وقته اللي غادي(ن)شين=
يزيد في دربه عليه إعوجاجه
يالله زينها مع الوقت...... وتزين=
ويصير عقب الضيق فيها انفراجه
يالله زينها مع الوقت وتزين=
و يصير عقب الضيق فيها انفراجه

ربي يفرج همو