الأسيرة

بيانات اضافيه [ + ]

رقم العضوية : 27327  تاريخ التسجيل :  03 2009  أخر زيارة : 23-06-2011 (07:39 AM)  المشاركات : 1 [ + ]  التقييم :  10

لوني المفضل : Cadetblue

أرجوكم ساعدوني ..

السلام عليكم ورحمة الله وبركاته

اتمنى تساعدوني لآن مافي أحد في حياتي أقدر استشيره ولا أخذ رأيه وتعبت من التفكير حقول قصتي وأبغا استشارتكم ومساعدتكم

أنا مملكة على واحد كنا مخطوبين 4 سنين ودحين مملكين لنا سنة ونص كنا دايما مبسوطين ومرتاحين الين قرر أنه يشتغل كابتن طيار وعشان الوضع اللي بيننا وأسلوب حياتنا اللي اتغيرت 180 درجة بسبب غيابه الكثير ودايما ماأقدر اتواصل معاه لانه دايما مسافر وفجئة أتغيرت شخصيته ومرة كنا نتكلم في التلفون وغلط بأسمي ونادني بأسم وحدة ثانية وانا على طول عرفت انه في وحدة يخونني معاها ولمن سألته عنها قفل جواله شهرين مايبغا يكلمني وعرفت بعدين انه يحب موظيفة تشتغل معاه بس كلمت امه وقالتلي كل الشباب كذا ولازم استحمل لانها نزوة وتعدي ومصيره يرجعلي وسكت وماأتصلت عليه ابدا وبعد شهرين اتصل وقلي كل شي عنها وانها خلاص راحت واتزوجت وماله اي علاقة بيها المهم رجعنا لبعض بس من كم يوم أكتشفت انه لها صور عنده في اللابتوب وقلتلو امسحها وعصب عليه وزعل وقلي ماله داعي امسحها وماابغا امسحها عشان فيها اصحابي وسألته اذا لسه يحبها قلي انا عادي لاأحبها ولا أكرهها وقلي انه انا ماحفهم ليش هوا محتفظ بالصور لانه شي خاص بالرجال وأنا سكت عشان ماابغاه يمسح الصور غصبا عنه ابغاه يمسحها بنفسه وبرضاه وعشان دايما تسير مشاكل بيننا لآن ماني عارفة كيف أوثق فيه زي أول وماابغا اخسرو بس أنا طفشتو لان كل يوم أزعل منه على اي شي لاني خايفة يسيبني عشان وحدة ثانية وشاغلني موضوع صورها وأبغاه يمسحها من غير مااسوي مشكلة ومن غير زعل بس ماني عارفة كيف أخليه يمسحها لاني ماابغا اكبر المشكلة وماابغاه يطفش مني
ابغا أعرف اذا اسكت وماافتح معاه الموضوع أبدا وأتصرف كأنه مافي شي صار وأبطل خوف؟؟ لان هوا مايحب احد يأمرو او يتدخل فيه
ولا اخليه يمسحها وكيف افتح معاه الموضوع وأخليه يمسحها من غير زعل ومشاكل ياريت تساعدوني ماني عارفة أيش الحل ؟؟

المصدر: نفساني