نفساني - عرض مشاركة واحدة

23-06-2011, 06:24 PM

السلام عليكم ورحمة الله وبركاته

اول شي انا اول مره اسجل في منتدى نفساني لكن كنت متابع من فتره مشاكلكم وتجاربكم وان شالله افيد واستفيد منكم .

انا من فترة المراهقه تقريبا وانا اعاني من توتر حتى وانا جالس بدون مشاكل دائم اهز رجلي لكن ماكنت اعرف ان شخصيتي قلقه بعد مامرت السنين والايام وتوظفت وزادة على المشاكل والمسؤليات عانيت من صعوبة البلع راجعت اكثر من طبيب لعل المشكله عضويه لكن كل شي سليم ولله الحمد وقالو عندك توتر حاول تاخذ اجازه وترتاح فتره لاني كنت ضاغط نفسي , ماهتميت لكلامهم ونزل وزني ثم بعدها رجعت المياه المجاريها قدرت ابلع وصار نظام الاكل ممتاز ورجع وزني الطبيعي ولله الحمد بعدها بسنتين صرت وانا اتقلب على الفراش احس بنبضات قلبي واضحه ومع الايام جاني خفقان راجعت اكثر من طبيب وبعد والفحوصات والتحاليل تبي اني سليم ولله الحمد وقالو لي هذا بسبب القلق ولازم اراجع دكتور نفسيه لأن نبضات قلبي توصل 150 احيانا واحد من الاطباء خوفني حسبي الله عليه قالي القلق مايسبب خفقان ل 150 نبضه ولازم تراجع دكتور قلب عشان ممكن يجيك قصور في القلب وعلى طول طلعت من عنده ومعي التخطيط وعلى مستشفى سلمان الحبيب وسوو لي الفحوصات وقالو قلبك سليم المهم حجزت موعد عند طبيب نفسيه عندهم وراجعته وقال لي عندك اكتئاب وصرف لي افكسور اكس ار المهم من اول حبه مدري وش جاني وان جالس كذا حسيت بحراره في الجسم وكهرب قوي ضرب يدي قريت الروشته واعراضها الجانبيه خوفتني وقفت عنها ,جربت بعدها زولوفت وخفضت ضغطي وقلقت اذا انا عندي مشاكل والادويه سببت لي مشاكل زياده بعد وش الحل ؟
المهم وانا اتصفح النت طحت على موقع اسلام ويب واستشرت الدكتور على ماعتقد اسمه محمد عبدالعليم وقالي عندك حساسيه نفسيه من الادويه ووصاني على الدوجماتيل وحشيشة القلب وقلي استمر عليها 3 شهور ,بحثت عن حشيشة القلب في النت واطيح على تجربة الاخ طائر الكويت معها , استخرت وقلت بجرب ورحت لارمال وماحصلتها وقالي الموضف في قود مود ممتازه وفيه نسبه كبيره من حشيشة القلب واخذتها ومن رابع يوم تقريبا احس بانشراح وسعاده فاقدها من سنين بصراحه صرت اخذها مع الدوجماتيل واموري الحمدلله سليمه فقررت ارجع اسال عن حشيشه القلب وحصلتها واخذتها وقفت الدوجماتيل لوقت الزوم للقولون العصبي بس
وانا الان استخدم حبه صباحا وحبه مساء من حشيشة القلب والقود مود حبه صباحا حبه مساءا صارت الجرعه من حششة القلب 1000 والحمدلله لي شهر وانا مرتاح من المشاكل بنسبة كبيره جدا حتى الارق والتفكير الكثير انتهى ولله الحمد وباقي بعض المشاكل البسيطه الي تحتاج للعلاج السلوكي المعرفي والمواجهه وان شالله انتهي من مشاكلي كلها وارجع لحياتي الطبيعيه .

الشاهد من الموضوع اتمنى من اي احد يمر بمشاكل لايستخدم ادويه كيميائيه على طول جرب حشيشة القلب اولا واصبر عليها لانها تحتاج لوقت احيانا عشان يبين مفعولها واذا ولا بد استخدم معها الدوجماتيل لانه دواء بسيط وبدون اعراض جانبيه .

والاهم من هذا كله الصلاه على وقتها والاستغفار , ولاتنسون تمارين الاسترخاء ريحتني كثير بصراحه .

والسلام خير ختام

المصدر: نفساني