من اكون !

بيانات اضافيه [ + ]

رقم العضوية : 34721  تاريخ التسجيل :  06 2011  أخر زيارة : 04-09-2011 (06:33 AM)  المشاركات : 28 [ + ]  التقييم :  10

لوني المفضل : Cadetblue

طالبتكم تساعدوني ! لكم دعوه بظهر الغيب ! آه

السـلام عليكم و رحمة الله و بركـاته ,
أخباركم جميعاً ؟ اتمنى تقرون كلامي للآخر و تساعدوني !
طالبه العون من الله ثم منكم , ضاقت فيني الوسيعه !


انـا بنت عمري 18 سنه ..
اعاني من وسواس شديد جداً , صراحه ما اعرف هل هو وسواس ام هلع ام ماذا !
من 11 سنه و انا تعبانه لكنه يروح و يجي على فترات , يروح سنتين ويرجع !

اخاف من الموت بشكل مو طبيعي .. و اخاف بكل شيء يتعلق فيه
امراض حوادث كل شيء ! عندي قلق حاد وسواس وخوف من الأمراض بشكل غير طبيعي !!

قبل 3 شهور تعبت مره ورحت دكتور نفسي
و شرحت له كل حاجه فيني قال فيك نوبة هلع !
بس ما ريحني ما ارتحت منه , كتب لي حبوب نفسيه استخدمتها اول يوم وجاني غثيان و وقفتها !!

المهم الحين انا اعاني من أعراض جسميه وهي اللي تزيد لي الخوف
" الم ف العظام , جسمي وراسي جدا ثقيلين , الم ف ظهري , اجهاد , صداع , ضيق تنفس شدديد لما اتكلم اتعب
ما ابغى احد يكلمني عشان ما اتعب من تنفسي , احس بخنقه و احس التنفس عندي بيوقف خلاص , و كأنو في حاجه مشدوده عند حلقي بتطلع ما اقدر اتكلم , الم ف اول المعده الم " خوف "

هالأعراض لها 3 ايام معي , و خايفه انه الموت او سكراته ! و لما اقول لا مو الموت اقول يمكن فيني مرض او فيني سحر او مس في وحده قالت لي يمكن فيك سحر او مس جن !
يجي ف بالي مليون فكره تضيق الصدر

تجيني نوبات هلع بالأسبوع مره يمكن !
و باقي الأيام كلها تفكير و اعراض الجسميه وضيقه وخوف وهم وغم !
وبس قلقانه و اتلفت اقول الحين بيطلع لي ملك الموت :(

و يجيني شعور مفاجئ لما اتكلم مع احد بإني بعالم ثاني ! او اني مو انا اللي اتكلم او انا ف مكان مجهول ! و كمان اللحظات اصير كإني شايفتها قبل كم !!!

و هالشيء مرا مخوفني !! و يجيني شعور كإني بدوخ او بفقد الوعي فجأه

و سريعة الغضب لما احد يكلمني اعصب بسرعه و اتنرفز !

تجيني ضيقة صدر لما اقوم من النوم و خوف وكإني بسمع خبر مزعج !
صرت اكره اطلع مكان ! و افضل اجلس لحالي !
و افضل انام كثير عشان ما افكر !
تعبانه وربي
مو قادره استانس بشيء

كل حياتي هم و بس افكر بالموت وبس احس جسمي تعبان و احس روحي بحلقي
ودي استانس ودي اغير جو !

ردوا علي و ريحوني بكلامكم الله يوفقكم ويريح بالكم !
هل الأعراض هذي طبيعيه ؟ هل اللي فيني طبيعي !
هل هذا هلع ؟ ام ايش !
محتاجتكم , اكتب و انا عيوني مليانه دموع !
ااه بس !

يا رب عونـــــك ضاق بي كونــــــك ! :'(

المصدر: نفساني