السلام عليكم
أنا ببداية اكتئابي كان شديد مره وكان عندي برضو اضطراب الانيه
أحس اني ماني انا وكأني بحلم الى هنا شي معروف انو بسببه
كان الاضطراب ملازمني دايم طول الوقت مايفارقني
المهم كنت لما أحد يكلمني ويكون مقابلني وجه لوجه كنت مااركز بكلامه
أجالس أتأمل بوجهه وأنا احسني بحلم واقول لنفسي هذا يكلمني
مع اني بقراره نفسي اعرف طبعا انه يكلمني واعرف عن ايش يتكلم
بس أصير بحالة غرابه ومع تأملي بوجه الشخص
فجأه الاقي وجهه يكبر بس لثانية بعدين اشوفه بطبيعته فكنت اندهش
شلون يصير كذا !! شي غريييييب
اللي يعاني من اضطراب الانيه يصير له كذا ؟؟؟؟
ولابس إحساس باانه بحلم جاوبوني ابي افهم لازم قولو لي ؟
غير كذا كانت تجييني بين فترة وفترة والى الان بس اللحين
نادر جدا ماتجي الحمد لله تجييني رجفة قوية بكل جسمي من راسي
لااخر رجولي أتجنش وارتجف بس كل الرجفة تجلس
مده ثانية وتروح بس ..
هذي الرجفة ايش تكون والله خايفة ماقد شفت احد يعاني منها
تعانون انتو منها ؟؟ ولا بس أنا
وايضا لي فترة شبه بسيطة والى الان بس خفت اللحين
أتضايق من ملامح وجهي وبس اطالع في المرايه
وأقول ليش أنا كذا وأشوف نفسي بقناعة اني شينة
مع اني والحمدلله جميلة بشهادة من حولي
مره مره اتضايق من وجهي مثلاآ : اطالع وجهي
وأكلم أمي اقولها شوفي عيوني صح طالعات بقوة
وفمي ليش قايل كذا ..!!
تمرون بهذا الشي تتضايقون من اشكالكم ؟؟؟ من يعاني كذا
حالاتي // أعاني من إكتئاب وقلق ع كلام الطبيبة
هل من موضوعي مايدل بااني اعاني
من مرض غير عن اللي عندي ؟؟
عذرآ على اطالتي .. وحبذا لو يطلع دكتور رعد ع موضوعي
والاعضاء لاتبخلوون علي باللي تعرفونه عن اللي فيني
الله يعافيكم ويشفيكم